Pamiatka biełarusu na kožny dzień

 Pamiatka biełarusu na kožny dzień

1. Biełarus lubić svaju ajčynu i spryjaje jaje roskvitu.

2. Biełarus viedaje biełaruskuju movu, šanuje jaje, udaskanalvaje svajo vałodańnie joju.

3. Biełarus havoryć pa-biełarusku ŭ siamji j na ludziach. Jon damahajecca paŭsiudnaha ŭžyvańnia biełaruskaj movy – u hramadzkim žyćci, palitycy, kultury, sudzie, handli, reklamie i h.d.

4. U carkvie, kaściole, malitoŭnym domie biełarus molicca pa-biełarusku.

5. Biełaruskija baćki damahajucca dla svaich dziaciej adukacyi pa-biełarusku. Biełaruskija junaki i dziaŭčaty paviny atrymlivać vyšejšuju adukacyju ŭ biełaruskich universytetach pa-biełarusku.

6. U biełaruskaj siamji čytajuć biełaruskija knihi. Biblijateka biełaruskich knižak – siamiejny skarb kožnaj biełaruskaj siamji.

7. Biełaruskija siemji vypisvajuć i čytajuć biełaruskija hazety dy časopisy.

8. Kožny biełarus naviedvaje biełaruski teatar, biełaruskija vystavy dy roznyja imprezy.

9. Biełaruskija siemji siabrujuć pamiž saboju.

10. Biełarus trymajecca narodnych zvyčajaŭ, śviataŭ, abradaŭ.

11. Biełaruskija baćki dy ichnyja dzieci navučajucca biełaruskich piesień, vieršaŭ, prykazak, narodnych tancaŭ i hulniaŭ.

12. Biełarusy vybirajuć dzieciam biełaruskija imiony.

13. Biełarus adznačaje hadaviny słavutych histaryčnych padziejaŭ.

14. Žytło biełaruskich siemjaŭ azdoblenaje biełaruskimi histaryčnymi vyjavami i partretami słavutych biełaruskich dziejačoŭ.

15. U domie biełarusa na pačesnym miescy – bieł-čyrvona-bieły ściah dy hierb “Pahonia”.

16. Biełarus – dobry siamiejnik, macuje tryvałaść svajoj siamji, šanuje baćkoŭ i kłapocicca pra ich, ź lubaściu i ŭvahaj vychoŭvaje dziaciej.

17. Biełarus – ruplivy haspadar, dobry pracaŭnik, dbaje pra siamiejny dabrabyt, uparty ŭ dasiahnieńni mety.

18. Biełarus nie brydkasłović, nia złoŭžyvaje alkaholnymi napojami, nie prymaje narkotykaŭ, pavodzić siabie hodna i pavažna.

19. Biełarus mocna trymajecca svajoj ziamli, nia kidaje jaje, nie addaje jaje ŭ ruki čužynca ci prybłudy. Biełarus nie dapuskaje, kab čužyncy zabirali našuju ziamlu, našyja zavody, pradpryjemstvy, našuju majomaść dy bahaćcie.

20. Biełarus ščyry, haścinny haspadar, prymaje kožnaha, chto idzie da jaho z dabrom, hatovy padzialicca apošnim.

21. Biełarus ścieražecca ŭsiaho, što hańbić jahonuju nacyjanalnuju hodnaść, baronić jaje.

22. Na svajoj ziamli biełarus pačuvajecca volnym haspadarom.

23. Biełarus na vybarach nie hałasuje za čužyncaŭ, vorahaŭ Biełarusi dy ichnych pasłuhačoŭ.

24. Biełarus vybiraje ŭ kiraŭnictva krainy patryjotaŭ-biełarusaŭ, sumlennych i addanych biełaruskaj spravie.

25. Biełarus z pavahaj stavicca da inšych nacyjaŭ, hatovy žyć ź imi ŭ zhodzie, macavać dobrasusiedzkija stasunki.

26. Biełarus – charobry vajar, kiemlivy i spraktykavany žaŭnier, mužna, advažna i samaddana baronić svaju Ajčynu ad čužyncaŭ, achviarujučy dziela hetaha navat svaim žyćciom.

Dasłana ŭ redakcyju za podpisam “Adradžeńnie Biełarusi – 2001”