10 červienia biełaruskaja hramadzkaść ZŠA sabrałasia ŭ hramadzkaj zali Saŭt‑Ryveru, kab ušanavać 80‑ja ŭhodki doktara Vitaŭta Kipiela.
Bolš za 100 haściej imiańninika mieli mahčymaść aznajomicca z pracami V. Kipiela j śv. Zory Kipiel, inšymi drukami BINIMu, bahataj kalekcyjaj zdymkaŭ siamji Kipielaŭ‑Savionkaŭ.
Uračystuju viečarynu raspačaŭ i vioŭ najstarejšy siabra sp‑ra Kipiela doktar Janka Zaprudnik, jaki začytaŭ pryvitańni ad šmatlikich arhanizacyj Biełarusi j zamiežža. Za jahonym pryvitalnym słovam i pieršym padarunkam — karavajem z vasilkami — vystupali Anton Šukiełojć, Michaś Sieńka, Lavon Jurevič, Zianon Paźniak, Viačka Stankievič, Siaržuk Sokałaŭ‑Vojuš, Ała Orsa‑Ramana, Valancina Jakimovič, Ivonka Surviła, hość ź Biełarusi mastak Mikoła Kupava dy inšyja.
Paźniak nazvaŭ V.Kipiela «čałaviekam nieba» i zaznačyŭ, što luby vorah pierš‑napierš imkniecca źniščyć knihu; Vojuš pračytaŭ pryśviečanyja Kipielu vieršy i, ahledziŭšy zalu, spytaŭ u prysutnych, ci peŭnyja jany, što na svaje ŭłasnyja ŭhodki źbiaruć stolki ludziej j što jašče nia pozna pačać pracavać nad hetym.
Kožny z vystupoŭcaŭ zhadvaŭ ułasnyja kantakty ź imianińnikam: Šukiełojć, pažadaŭšy nia mienšaha plonu na nastupnyja 80 hadoŭ, — akupacyjny Miensk i pieršaje hramadzkaje daručeńnie, dadzienaje V.Kipielu ajcom Mikałajem Łapickim; Viačka Stankievič — pra lahiery DP i razmovu pa‑mužčynsku ź miascovymi rusafiłami. Ale lajtmatyvam hučała dumka, što Vitaŭt Kipiel z svajoju žonkaju (jak skazała Ała Ramana, dla jaje heta jak by adnoje imia: Zoravitaŭt) ujaŭlajuć saboju analah lehiendarnaha Inbiełkultu j što ź ichniaha plonu buduć karystać naščadki i praz 100, i praz 200 hadoŭ.
Naprykancy vystupiŭ Vitaŭt Kipiel. Jon padziakavaŭ prysutnym za dobryja słovy j padzialiŭsia uspaminami z ułasnaha žyćcia — jakija, pa jahonych słovach, vyznačyli jaho jak biełarusa.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary