«Jeŭrapiejskaja Biełaruś»: Nasamreč Hajdukoŭ aryštavany za zachoŭvańnie haziety «Chartyja’97»
Hramadzianskaja kampanija «Jeŭrapiejskaja Biełaruś» vystupiła z nastupnaj zajavaj: «8 listapada byŭ aryštavany namieśnik staršyni Sajuza maładych intelektuałaŭ, aktyvist arhkamiteta pa stvareńni partyi Biełaruskaja chryścijanskaja demakratyja Andrej Hajdukoŭ. Ciapier jon siadzić u SIZA KDB pa abvinavačvańni ŭ rabocie na zamiežnuju vyviedku.
Suprać jaho raspačataja kryminalnaja sprava pa artykule 356 Kryminalnaha Kodeksu «zdrada dziaržavie ŭ formie praviadzieńnia ahienturnaj dziejnaści». Pa zajavie KDB, aktyvista zatrymali nibyta ŭ momant zakładki tajnika sa źviestkami, jakija cikaviać zamiežnyja śpiecsłužby.
Pavodle infarmacyi hramadzianskaj kampanii «Jeŭrapiejskaja Biełaruś», Andrej Hajdukoŭ byŭ zatrymany, kali pieravoziŭ častku tyražu haziety «Chartyja'97» dla raspaŭsiudžvańnia ŭ Viciebskaj vobłaści.
Vychad haziety «Chartyja'97» naładžany ŭ Biełarusi aktyvistami moładzievych ruchaŭ i źmiaščaje materyjały z sajta charter97.org i inšych niezaležnych sajtaŭ.
Takim čynam, Andrej Hajdukoŭ skarystaŭsia svaim pravam, harantavanym Kanstytucyjaj, artykuł 34 jakoj abviaščaje: «Hramadzianam Respubliki Biełaruś harantujecca prava na atrymańnie, zachoŭvańnie i raspaŭsiudžvańnie poŭnaj, dakładnaj i svoječasovaj infarmacyi ab dziejnasci dziaržaŭnych orhanaŭ, hramadskich abjadnańniaŭ, ab palityčnym, ekanamičnym, kulturnym i mižnarodnym žycci, stanie navakolnaha asiarodździa ...»
Patrabujem nieadkładnaha i biezumoŭnaha vyzvaleńnia Andreja Hajdukova».
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary