Ambasadar Rasiei ŭ Biełarusi Alaksandr Surykaŭ ličyć, što zdymańnie «Biełtranshazam» 18‑dalaravaj nadbaŭki na pryrodny haz, jaki adpuskajecca spažyŭcam, admoŭna moža adbicca na chodzie pieramoŭnaha pracesu pa stvareńni hazatranspartnaha SP z Hazpromam i ŭ vyniku pryvieści da rostu cany na haz dla Biełarusi.
«Kali nie pamylajusia, hetaja 18‑dalaravaja nadbaŭka była ŭ acency biznesu, i stvarać fors‑mažornaje stanovišča ja b, słova honaru, nie chacieŭ», — zajaviŭ rasiejski ambasadar, adkazvajučy ŭ piatnicu na pytańnie «Interfaksa».
«Nakolki ja ciamlu, u padpisanym hazavym pahadnieńni havorycca, što kali takija rečy zdarajucca pa takim pakazčyku, to cana hazu nieadkładna moža stać 201 dalar za 1 tys. kubamietraŭ», — skazaŭ A.Surykaŭ. «Tamu hetaha rabić nie treba», — ličyć jon.
Pa jaho słovach, «nie treba buryć biznes, bo heta SP, i tam, jak minimum, prybytak pavinien pałavinicca». «Mabyć, 18 dalaraŭ farmujuć prybytkovuju pracu «Biełtranshaza». Kali chočuć atrymać stratnuju, to ja hetaha nie razumieju», — zajaviŭ dypłamat. Pry hetym jon vykazaŭ pierakananaść, što «baki damoviacca, i ciaham pieršaha paŭhodździa «Biełtranshaz» i Hazprom sfarmujuć sumiesnaje pradpryjemstva».
Akramia taho, A.Surykaŭ adznačyŭ, što rasiejski bok u svoj čas «pahadziŭsia z krajnimi acenkami koštu «Biełtranshaza» na ŭzroŭni 5 młrd. dalaraŭ». Choć, pa jaho słovach, «pa papiarednich acenkach košt «Biełtranshaza» aceńvaŭsia na ŭzroŭni ad minus 480 młn. dalaraŭ da plus 5,3 młn. dalaraŭ».
Kamientary