Sud pačniecca nie paźniej za žnivień.
Staršynia KDB Vadzim Zajcaŭ zajaviŭ, što ciaham dziesiaci dzion sprava z zamacham na ździajśnieńnie terakta ŭ Žłobinie budzie nakiravana ŭ sud. Jon paviedamiŭ, što ciapier padazravany prachodzić psichałahičnuju ekśpiertyzu.
«Heta nieskładanaja kryminalnaja sprava, jana praktyčna zavieršanaja, pakolki vidavočnyja ŭsie dokazy sproby ździajśnieńnia teraktu», —
adznačyŭ Zajcaŭ.
Praz hetyja dziesiać dzion, zhodna z Kryminalna-pracesualnym kodeksam, prakuror ciaham piaci dzion pavinien pryniać rašeńnie ab pieradačy spravy ŭ sud. Sudździa ž u termin da miesiaca z dnia pastupleńnia spravy pavinien pryznačyć sudovaje raźbiralnictva.
24 maja ŭ Žłobinie kala budynka milicyi byŭ zatrymany 21-hadovy małady čałaviek. Pa infarmacyi KDB, na tvary ŭ jaho była maska z nadpisam na arabskaj movie, a pry sabie — jomistaści z zapalnaj sumieśsiu i samarobnaj vybuchovaj pryładaj mahutnaściu kala piaci kiłahramaŭ u traciłavym ekvivalencie.
Jon
«sprabavaŭ ździejśnić terarystyčnyja dziejańni ŭ dačynieńni da supracoŭnikaŭ padraździaleńnia MUS pa miescy ich dysłakacyi».
Spačatku małady čałaviek kinuŭ butelku ŭ budynak, kab adciahnuć uvahu milicyjantaŭ. A sam pačaŭ złučać draty ŭ vybuchoŭcy. Ale ŭ hety momant jaho zatrymali.
U KDB zajavili, što
zatrymany maje suviazi z arhanizavanaj złačynnaj hrupaj pa pierapraŭcy hramadzian Afhanistana ŭ adnu ź jeŭrapiejskich krain.
U toj čas jość i infarmacyja, što zatrymany — nie zusim adekvatny čałaviek.
1 červienia maładomu čałavieku było pradjaŭlena abvinavačańnie va ŭčynieńni złačynstva, jakoje kvalifikujecca pavodle č. 1 art. 14 i č. 1 art. 289 KK (zamach na ŭčynieńnie aktu teraryzmu). Pakarańnie praduhładžana ad 8 da 15 hadoŭ pazbaŭleńnia svabody.
Za hety hod u krainie zdarylisia jašče dva vybuchi.
25 krasavika ŭ Kobrynie vybuchnuła hranata, u vyniku čaho zahinuli dva čałavieki. Kryminalnuju spravu kvalifikavali jak teraryzm. A tydniem raniej u Homieli spracavała samarobnaja pryłada ŭ handlovaj zale adnoj z kramaŭ.
Na prademanstravanym tady videa z kramy vybuch pa mahutnaści nahadvaŭ chutčej vybuch pietardy.
Kryminalnuju spravu raspačali pa artykule «pahroza ździajśnieńnia akta teraryzmu». Admietna, što na toj dzień u KDB byli pryznačany mižviedamasnyja kamandna-štabnyja vučeńni pa temie «Arhanizacyja i ažyćciaŭleńnie mier dziaržaŭnaha reahavańnia na akty teraryzmu».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski9
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary