U suviazi z adsutnaściu aficyjnaj prapanovy biełaruskaha boku.
Z pryčyny adsutnaści aficyjnaj prapanovy biełaruskaha boku nakont časovaha aryštu Varšaŭskaja rajonnaja prakuratura paśla razhladu pradstaŭlenych dakumientaŭ zahadała nieadkładna vyzvalić biełaruskaha ŭciekača, što pražyvaje ŭ Polščy, Andreja Pyžyka,- skazaŭ prakuror Ryčard Rahatka, paviedamlaje Polskaje radyjo.
Andrej Pyžyk byŭ aryštavany ŭ paniadziełak palicyjaj Interpoła. Zatym Pyžyka pieravieźli ŭ prakuraturu, dzie pavinien byŭ prajści jaho dopyt. Jak skazała prakuror Katažyna Całuŭ-Jašeŭska, Pyžyk u suviazi ź niedachopam dakumientaŭ byŭ adpuščany dadomu.
Były žodzinski śledčy byŭ vymušany ŭciačy ŭ Polšču paśla admovy raspačynać kryminalnuju spravu «afhanca» Alaksandra Kamaroŭskaha ŭ čas, kali toj vyłučaŭsia ŭ žodzinski harsaviet. Paśla Andrej Pyžyk zrabiŭ adkrytuju zajavu pra toje, jak falsifikujucca spravy «palityčnych» u Biełarusi. A niadaŭna vystupaŭ u jakaści ekśpierta ŭ filmie «Biełsatu» «Strach u krainie spakoju», pryśviečanym teraktu ŭ mienskim mietro. Paśla hetaha biełaruski bok zajaviŭ jaho ŭ vyšuk praz «Interpoł».
Kamientary