Prezident Kazachstana Nursułtan Nazarbajeŭ 13–14 maja naviedaje z aficyjnym vizitam Biełaruś. Nazarbajeŭ prybudzie ŭ Minsk u niadzielu uviečary.
Raniej aficyjny pradstaŭnik MZS Kazachstana Ałtaj Abiłułajeŭ zajaŭlaŭ, što ŭ chodzie pieramovaŭ u Minsku buduć abmierkavany «stan i pierśpiektyvy kazachstanska-biełaruskaha supracoŭnictva ŭ palityčnaj, handlova-ekanamičnaj i kulturna-humanitarnych abłaściach.
Pa słovach pradstaŭnika MZS, «asablivaja uvaha budzie nadadziena praktyčnym krokam pa umacavańni uzajemadziejańnia pamiž Kazachstanam i Biełaruśsiu ŭ ramkach pramysłovaha, sielskahaspadarčaha, navukova-techničnaha, transpartnaha i inviestycyjnaha supracoŭnictva, a taksama efiektyŭnamu vykanańniu płana sumiesnych mierapryjemstvaŭ na 2012-2013 hady ŭ ramkach realizacyi darožnaj karty, prahramy ekanamičnaha supracoŭnictva pamiž krainami na 2009-2016 hady».
Naraŭnie z hetym prezidenty Kazachstana i Biełarusi razhledziać pytańni supracoŭnictva ŭ ramkach rehijanalnych, intehracyjnych abjadnańniaŭ SND, JeŭraZES, Mytnaha sajuza, AEP i ADKB.
Pa vynikach sustrečy płanujecca pryniaćcie sumiesnaj zajavy kiraŭnikoŭ dziaržaŭ, a taksama padpisańnie šerahu mižuradavych pahadnieńniaŭ.
A 15 maja ŭ Maskvie zapłanavany niefarmalny samit kiraŭnikoŭ SND, a taksama jubilejnaja siesija kiraŭnikoŭ dziaržaŭ Arhanizacyi Damovy ab kalektyŭnaj biaśpiecy, pryśviečanaja 20-hodździu padpisańnia damovy i 10-hodździu stvareńnia ADKB.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary