Nahadajem, muzykant Ihar Simbiroŭ i bard Źmicier Bartosik 6 maja davali impravizavany kancert na sustrečy z prychilnikami, jakaja prachodziła pad adkrytym niebam u rajonie čyhunačnaj stancyi Zialonaje pad Minskam.Paśla zakančeńnia kancerta ŭsie ŭdzielniki byli zatrymanyja biez tłumačeńnia pryčyn. Ich dastavili ŭ RAUS u Ždanovičy. Paśla źniaćcia adbitkaŭ palcaŭ i tłumačeńniaŭ usich adpuścili, a Simbirova vyvieli asobna. Na jaho, pavodle našaj infarmacyi, składzieny pratakoł na padstavie dvuch artykułaŭ Kodeksa ab administracyjnych pravaparušeńniach: niepadparadkavańnie supracoŭnikam milicyi i drobnaje chulihanstva.
Jak skazaŭ aktyvist «Havary praŭdu» Juryj Hančar, u sud byli vyklikany supracoŭniki milicyi, jakija zatrymlivali Simbirova. «Ale jany nastolki błytalisia ŭ pakazańniach, što navat naš sud źniaŭ ź Simbirova adno abvinavačańnie — u supraciŭleńni rabotnikam milicyi. Simbiroŭ ciapier abvinavačvajecca tolki ŭ drobnym chulihanstvie. Hety artykuł praduhledžvaje niecenzurnuju łajanku i nieprystojnyja pavodziny ŭ hramadskim miescy. Jakoje moža być hramadskaje miesca ŭ lesie, dzie prachodziŭ kancert?» — skazaŭ Hančar.
U vyniku sud pastanaviŭ pieranieści spravu na 18 maja.
Razhlad jaho spravy pačaŭsia 7 maja v sudzie Minskaha rajona. Nahadajem, 6 maja Simbiroŭ vyjšaŭ z Centra izalacyi pravaparušalnikaŭ na vulicy Akreścina ŭ Minsku, dzie adbyvaŭ pakarańnie na padstavie abvinavačańnia ŭ drobnym chulihanstvie. Pavodle hetaha abvinavačańnia aktyvista kampanii «Havary praŭdu!» zatrymali 26 krasavika za niekalki hadzin da akcyi apazicyi «Čarnobylski šlach». Pieršyja try dni Simbiroŭ trymaŭ haładoŭku ŭ znak pratestu suprać niezakonnaha, jak jon ličyć, aryštu, adnak paśla paharšeńnia stanu zdaroŭja spyniŭ jaje.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary