U knihu ŭvajšli apovieści i apaviadańni, jakija nikoli nie drukavalisia pry žyćci aŭtara.
U elektronnym vydaviectvie «Piaršak» časopisa 34mag.net vyjšaŭ zbornik Vasila Bykava «Paślažyćcio».
Pad adnoj vokładkaj sabranyja piać tvoraŭ roznych časoŭ napisańnia. Apovieść «Ataka» i apaviadańnie «Žalezny kamandzir» nie tak daŭno byli znojdzienyja ŭ haradzienskim archivie aŭtara i adnosiacca da 1960-ch hadoŭ. Apovieść «Afhaniec» i apaviadańnie «Butelčyna» stvoranyja ŭžo ŭ niezaležnaj Biełarusi, i havorka ŭ ich taksama idzie pra sučasnaść.
Akramia taho, u zbornik ŭvajšła niezavieršanaja apovieść «Blindaž», raspačataja ŭ 1987 hodzie. Usie teksty vychodziać u aŭtarskaj redakcyi.
«Hetaj knižkaj my chočam padkreślić, što ličym Bykava aŭtaram, čytańnie jakoha žyćciova nieabchodnaje dla razumieńnia prostych čałaviečych kaštoŭnaściaŭ.
Bo vajna pamiž hierojstvam i łajnom unutry kožnaha z nas, na žal, nie skončycca nikoli»,– kažuć pradstaŭniki «Pieršaka».
Pry afarmleńni knihi «Paślažyćcio» vykarystanaja komiksavaja stylistyka.Hetym vydaŭniki chacieli pakazać sučasnaść i aktualnaść prozy Bykava. «Dyzajn vydańnia – heta našaja refleksija na toje, što adbyvajecca ŭnutry zbornika. Kožnaja ilustracyja – svojeasablivy kluč da taho ci inšaha tvora i zbornika ŭ cełym».
Aŭtar ilustracyj – maładaja mastačka Hanna Kruk.
Heta ŭžo treciaja kniha, vydadzienaja multyłejbłam «Piaršak». Da hetaha byli prezientavanyja raman Viktara Marcinoviča «Ściudziony vyraj» i zbornik apaviadańniaŭ «Radzima» Uładzimira Kazłova.
Spampavać zbornik Vasila Bykava «Paślažyćcio» možna tut.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach1
Kamientary