Aŭtsajdary: Zarobak u Biełarusi składaje 44,1% ad rasijskaha, 62,5% — ad kazachstanskaha
Pra heta paviedamili ŭ Nacyjanalnym banku sa spasyłkaj na vysnovy analityčnaha ahladalnika «Asnoŭnyja tendencyi ŭ ekanomicy i
Jak zaznačajuć u Nacbanku, u Biełarusi ŭ lutym 2012 hoda siaredniamiesiačnaja zarpłata skłała 2 młn. 964,2 tys. rubloŭ, pavialičyŭšysia ŭ paraŭnańni ź lutym 2011 hoda na 106,2% u naminalnym vyražeńni, ale źniziŭšysia na 0,6% — u realnym.
Pry hetym siaredniamiesiačnaja zarpłata ŭ lutym 2012 hoda ŭ Rasii, pavodle papiarednich źviestak, u paraŭnańni ź lutym 2011 hoda ŭzrasła na 17,5% u naminalnym vyražeńni, abo na 13,3% — u realnym.
U Kazachstanie naličanaja siaredniamiesiačnaja zarpłata ŭ studzieni 2012 hoda ŭ paraŭnańni sa studzieniem 2011 hoda, pavodle papiarednich źviestak, pavialičyłasia na 19% u naminalnym vyražeńni, abo na 12,4% — u realnym.
«Suadnosiny pamieraŭ siaredniamiesiačnych zarpłat u pieraraźliku pa siarednim aficyjnym kursie biełaruskaha rubla datyčna rasijskaha rubla ŭ lutym 2012 hoda ŭ Biełarusi i Rasii skłali 44,1% suprać 67,7% u lutym 2011 hoda (u śniežni 2011 hoda — 34,6%)», — zaznačajuć u Nacbanku.
Suadnosiny pamieraŭ siaredniamiesiačnych zarpłat u pieraraźliku pa siaredniamiesiačnym aficyjnym kursie tenhie datyčna biełaruskaha rubla ŭ studzieni 2012 hoda ŭ Biełarusi i Kazachstanie skłali 62,5% suprać 91% u studzieni 2011 hoda (u śniežni 2011 hoda — 48,3%).
Kamientary