Za try dni ŭ Hdańsku sabrana 250 podpisaŭ.
Biełaruskija studenty, jakija vučacca ŭ Hdańsku (Polšča) pa prahramie Kastusia Kalinoŭskaha sprabavali pieradać listy z podpisami ŭ abaronu Siarhieja Kavalenki ŭ biełaruskaje konsulstva.
250 podpisaŭ byli sabranyja ciaham troch dzion siarod studentaŭ Hdańskaha ŭniversiteta.
Da ŭdzielnikaŭ akcyi vyjšaŭ hienieralny konsuł Alaksiej Švied. Jon pačaŭ cikavicca ci jość dazvoł u studentaŭ na praviadzieńnie akcyi, a potym pačaŭ pahražać, što vykliča palicyju.
Kali heta nijakim čynam nie paŭpłyvała na namier biełaruskich hramadzianaŭ pieradać papiery ŭ abaronu palitviaźnia,
čynoŭnik adkazaŭ, što nia maje paŭnamoctvaŭ, kab uziać sabranyja podpisy.
U vyniku sabranyja podpisy dasłali pryarytetnym listom na adras konsulstva ŭ Hdańsku.
Adzin ź inicyjataraŭ kampanii Siarhiej Huminski paviedamiŭ «Narodnaj Voli»: «Naša akcyja musiła šyroka aznajomić polski studencki asiarodak z trahiedyjaj siamji Kavalenki j akazać upłyŭ na ŭłady Biełarusi z metaj biezumoŭnaha pieravodu Siarhieja Kavalenki ŭ špital, a taksama admianić prysud».
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary