Apošniaja hastrol

Siońnia startuje płej‑of čempijanatu Biełarusi pa chakiei. Raniejšyja 55 turaŭ rehularnaha pieršynstva nia majuć značeńnia. Baraćba pačynajecca z nula.

Try vierchnija radki ŭ rehularcy zaniali mienskija «Kieramin», «Dynama» i «Junactva» — jany j majuć najlepšyja šancy na pieramohu ŭ płej-of.

Sioleta my ryzykujem ubačyć apošni paŭnavartasny pieršynstvo biełaruskaj ekstralihi. Naleta ź inicyjatyvy staršyni federacyi chakieju i ministra ŭnutranych spravaŭ Uładzimiera Navumava mienskija «Junactva» i «Dynama» abjadnoŭvajucca, kab vystupać u vyšejšaj lizie čempijanatu Rasiei z pravam vychadu ŭ superlihu. Zaduma nieadnaznačnaja, kali ŭličyć tempy ź jakimi apošnija hady raźvivaŭsia ŭnutrany biełaruski čempijanat i rehres rasiejskaha. «Junactva» naohuł sioleta stała pieramožcam Kantynentalnaha kubku. Biełaruskaje pieršynstvo ž zastaniecca va ŭrezanym vyhladzie, bo ŭ im budzie vystupać tolki dubl novaha «superklubu».

Adzinaj staličnaj kamandaj, jakaja znajšła mužnaść nie padparadkavacca, staŭ «Kieramin». Nia dziŭna, što pavodle vynikaŭ apytańnia na sajcie hazety "Priessboł" «Za jakuju kamandu vy budziecie zaŭzieć u płej‑of», upeŭniena pieramahaje mienski «Kieramin». Zaŭziatary lubiać śmiełych.

Mienskaje «Junactva» poŭnaje rašučaści dakazać, što zdolnaje stać čempijonam krainy čaćviorty raz zapar. Za letašni pravał choča reabilitavacca «Dynama», «Kieramin» vyjhraŭ rehularnaje pieršynstvo. Ambitnyja, jak zaŭsiody, mahiloŭskaje «Chimvałano», navapołacki «Chimik‑SKA» i «Homiel». Chiba tolki žłobinski «Metalurh» krychu vyłučajecca z hetaha śpisu, ale sam fakt vychadu kamandy u čverćfinał užo ŭ pieršym sezonie šmat pra što havoryć.

Na taki chakiej sapraŭdy varta schadzić i zvadzić tudy svaich dzietak, bo nieviadoma, kali nastupny raz biełaruskija amatary mohuć panazirać za takoj intryhoŭnaj raźviazkaj nacyjanalnaha pieršynstva.

Siońnia hulajuć:
«Kieramin» – «Metalurh» (pačatak a 18:30. Ladovy pałac, vulica Prytyckaha)
«Junactva» – «Homiel» (pačatak a 18:30. Kryty katok u parku imia Horkaha)
«Chimvałakno» – «Chimik‑SKA» (pačatak a 18:30, Mahiloŭ, Pałac sportu)
1 sakavika:
«Dynama» – «Nioman» (pačatak 18:30. Pałac sportu)

Seryi praciahnucca da troch pieramoh.
Inšyja matčy projduć 1 i 4 sakavika (druhi matč «Dynama» – «Nioman» adbudziecca 2 sakavika), a kali spatrebicca, to 5 i 7 sakavika.
Paŭfinały pačnucca 10 sakavika.
Finały pačnucca 20 sakavika i praciahnucca maksymalna da 31 sakavika (da čatyroch pieramoh).

• 0
• 0
• 0
• 0
• 0
• 0
• 0
• 0