U Biełarusi akreśleny pieralik ałkaholnych napojaŭ na 2012 hod, na impart jakich nie raspaŭsiudžvajecca vyklučnaje prava dziaržavy,paviedamiła načalnik upraŭleńnia spažyvieckaha rynku charčovych tavaraŭ Minhandlu Luboŭ Jazepčyk.
«Heta dazvolić pašyryć asartymient elitnaj ałkaholnaj pradukcyi ŭ restaranach, kaviarniach, bujnych handlovych centrach, jakija majuć adździeły kalekcyjnych napojaŭ. Jak i inšaja elitnaja pradukcyja, jana maje peŭnaje koła spažyŭcoŭ. Pieralik napojaŭ pašyrany z ulikam praktyki prymianieńnia. Uvaznaja pradukcyja nie stvoryć kankurencyi biełaruskim vytvorcam, tamu što jany jaje nie vyrablajuć», — adznačyła Luboŭ Jazepčyk.
Adpaviedny pieralik zamacavany pastanovaj Ministerstva handlu ad 3 studzienia 2012 № 1 «Ab akreśleńni pieraliku ałkaholnych napojaŭ, na ažyćciaŭleńnie impartu jakich nie raspaŭsiudžvajecca vyklučnaje prava dziaržavy, na 2012 hod».
U pieralik uvajšli šeść najmieńniaŭ elitnaha šampanskaha, što vyrablajecca ŭ Francyi: «Majet i Šandon», «Udava Kliko», «Dom Pieryńjon», «Kryštal», «Mum», «Perje Žuet».
Pieralik kańjakoŭ pašyryŭsia na čatyry najmieńni, viski — na 19. Pieralik kańjakoŭ francuzskich vytvorcaŭ naličvaje 32 nazvy, armianskich — vosiem, uniesienyja try najmieńni małdaŭskich kańjakoŭ vytrymkaj bolš za dziesiać hadoŭ.
Istotna pašyrany pieralik viski — u jaho ŭvajšli 63 najmieńni. Siarod
Dla vinahradnaha vina vyznačanaja minimalnaja cana na składzie vytvorcy ŭ pamiery nie mienš za dziesiać jeŭra za adnu butelku.
U Biełarusi prava na impart ałkaholnaj pradukcyi, jakaja ŭvajšła ŭ pieralik, atrymlivajuć kampanii, pamier statutnaha fondu jakich składaje nie mienš jak 250 tys. jeŭra. Taksama imparcior pavinien mieć licenziju na abarot ałkaholnaj pradukcyi i atrymać u Minhandli licenziju na impart ałkaholnaj pradukcyi. Dla atrymańnia licenzii pretendent pavinien pradstavić kantrakt z kampanijaj vytvorcam i śpiecyfikacyju pradukcyi.
Kamientary