Dahetul žoncy aktyvista kazali, što źniavolenaha prosta pieraviali ŭ adzinočnuju kamieru.
Lidzija Kavalenka, maci aryštavanaha siabra KCHP-BNF, chacieła pieradać u SIZA ciopłyja rečy, bo ŭ liście Siarhiej Kavalenka napisaŭ, što mierźnie. Aktyvist 24-ja sutki trymaje haładoŭku pratestu, bo nie zhodny z kryminalnym abvinavačańniem, pavodle jakoha jaho trymajuć pad vartaj.
Maci Siarhieja Kavalenki sustrełasia z pradstaŭnikom administracyi SIZA, ale toj admoviŭsia nazvać pryčynu, dziela jakoj aktyvista pieraviali ŭ karcar: «Ja spytała, ci syn niešta parušyŭ? Ale načalnik mnie zajaviŭ, što ničoha mnie tłumačyć nie budzie, a pra pryčyny budzie paviedamlać tolki svajmu kiraŭnictvu. Jašče
ja sustrełasia ź miedrabotnikam. Toj paraiŭ, kab ja napisała niejkuju papieru, što prašu Siarhieja spynić haładoŭku. Ja ničoha pisać nie stała, bo nie vieru hetym ludziam — čamuści jany nie kažuć usiu praŭdu».
Pra toje, što Siarhiej Kavalenka znachodzicca ŭ asobnym pamiaškańni, kazaŭ i advakat aktyvista. Ale
toje, što heta nie kamiera-adzinočka, a karcar, vyśvietliłasia tolki ciapier, choć źniavoleny tam užo siomyja sutki.
Žoncy aktyvista Alenie Kavalenka spatkańniaŭ z mužam nie dajuć. Jana aburanaja jašče i tym, što ŭ SIZA prychoŭvajuć infarmacyju pra ŭmovy ŭtrymańnia Siarhieja.
12 studzienia da 10.30 źniavolenaha pavinny pryvieźci ŭ Pieršamajski rajsud — tam maje adbycca praciah razboru pa administracyjnaj spravie, inicyjavanaj suprać Siarhieja Kavalenki supracoŭnikami inśpiekcyi pa vykanańni pakarańniaŭ. Aktyvist užo na praciahu čatyroch pasiadžeńniaŭ sprabuje abvierhnuć abvinavačańnie ŭ niecenzurnaj łajancy.
Kali jaho ŭsio ž pryznajuć vinavatym, heta moža stać jašče adnym arhumentam suprać aktyvista ŭ jahonaj kryminalnaj spravie, raspačataj pavodle artykuła 415 «Uchileńnie ad adbyćcia pakarańnia».Kavalenku vinavaciać u parušeńniach režymu padčas «chatniaj chimii», prysudžanaj jamu ŭ 2010 hodzie za toje, što 7 studzienia jon vyviesiŭ na haradskoj navahodniaj jalinie bieł-čyrvona-bieły ściah.
Pavodle hetaha artykuła aktyvistu pahražaje da troch hadoŭ turemnaha źniavoleńnia.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary