BMZ, Kaściukovicki cemientavy i inšyja pradpryjemstvy rychtujuć da pryvatyzacyi

RUP «Biełaruski mietałurhičny zavod», VRUP «Biełaruski cemientny zavod», a taksama niekatoryja inšyja bujnyja pradpryjemstvy krainy pieraŭtvorany ŭ adkrytyja akcyjaniernyja tavarystvy. Heta praduhledžana ŭkazam prezidenta № 7 ad 5 studzienia «Ab niekatorych pytańniach pieraŭtvareńnia respublikanskich unitarnych pradpryjemstvaŭ u adkrytyja akcyjaniernyja tavarystvy», paviedamlaje pres-słužba Dziaržkamiteta pa majomaści.

Jak raniej paviedamlałasia, hetym dakumientam pryniata rašeńnie nie pravodzić prodaž na lhotnych umovach za hrašovyja srodki rabotnikam pradpryjemstvaŭ i pryraŭnavanych da ich asob akcyj pry pieraŭtvareńni ŭ 2011–2013 hadach niekatorych pradpryjemstvaŭ u adkrytyja akcyjaniernyja tavarystvy. U liku takich pradpryjemstvaŭ ekanamična značnyja dla respubliki, jakija zabiaśpiečvajuć funkcyjanavańnie stratehična značnych halin ekanomiki i inšych važnych dziaržaŭnych patrebnaściaŭ.

Rašeńnie ab zachavańni za dziaržavaj 100% akcyj stvarajemych AAT pryniata dla pryciahnieńnia ŭ nastupnym inviestycyj u stvarajemyja tavarystvy šlacham prodažu hetych akcyj na aŭkcyjonach (konkursach) i inšymi sposabami, praduhledžanymi zakanadaŭstvam, abo ŭvachodžańnia asobnych AAT u karparatyŭnyja struktury.

Ukazam vyznačany pieralik z 54 pradpryjemstvaŭ, što ŭvachodziać u płan pieraŭtvareńnia respublikanskich unitarnych pradpryjemstvaŭ u AAT na 2011–2013 hady. U 2011 hodzie sa zhadanaha pieraliku ŭžo pieraŭtvorany ŭ AAT takija pradpryjemstvy, jak RUP «Biełaruski mietałurhičny zavod», RUP «Śvietłahorskaje vytvorčaje abjadnańnie «Chimvałakno», RUP «Baranavickaje vytvorčaje bavaŭnianaje abjadnańnie», VRUP «Kryčaŭcemientnašyfier», VRUP «Biełaruski cemientny zavod», RUP «Rečycki mietyzny zavod», RVUP «Biełkoleramiet», RUVP «Minskvtormiet» z daččynymi ŭnitarnymi pradpryjemstvami, VRUP «Minski zavod aŭtamatyčnych linij imia P. M. Mašerava», NVRUP «SKB Kamierton».

Taksama nie budzie ažyćciaŭlacca prodaž na lhotnych umovach za hrašovyja srodki akcyj AAT, jakija płanujecca stvaryć u 2012–2013 hadach pry pieraŭtvareńni takich bujnych pradpryjemstvaŭ, jak RUP «Minski traktarny zavod», RUP «Homielski zavod sielskahaspadarčaha mašynabudavańnia «Homsielmaš», RUP «Mahiloŭski zavod liftavaha mašynabudavańnia», VRUP «Minski elektramiechaničny zavod imia V.I. Kazłova», RUP «Babrujski zavod traktarnych detalaŭ i ahrehataŭ», RUP «Homielski zavod lićcia i narmalaŭ», VRUP «Minski zavod šaścierniaŭ», RUVP «Hranit» i inšyja.

• 0
• 0
• 0
• 0
• 0
• 0
• 0
• 0