Ustupleńnie Rasii ŭ SHA stvaraje ryzyku straty Biełaruśsiu kankurentazdolnaści na rasijskim rynku ŭ doŭhaterminovaj pierśpiektyvie,paviedamlaje namieśnik ministra ekanomiki RB Alaksandr Jarašenka ŭ adkazie na deputacki zapyt, jaki pastupiŭ ź nižniaj pałaty parłamienta.
«Jość šerah niehatyŭnych faktaraŭ i pierš za ŭsio ryzyka straty rasijskaha rynku ŭ doŭhaterminovaj pierśpiektyvie», — havorycca ŭ liście namieśnika ministra.
«…Značna ŭzraście prytok zamiežnych inviestycyj, što zabiaśpiečyć raźvićcio i dalejšuju madernizacyju rasijskich pradpryjemstvaŭ i, jak vynik, vyciaśnieńnie biełaruskaj pradukcyi z rasijskaha rynku», — pryznaje Jarašenka.
«Nie vytrymajuć kankurencyi z boku nie tolki zamiežnych, ale i rasijskich tavaraŭ stratnyja biełaruskija pradpryjemstvy, a taksama subjekty haspadarańnia, jakija karystajucca niepasrednaj biudžetnaj padtrymkaj», — padkreślivajecca ŭ liście.
U toj ža čas, na dumku Jarašenki, dla Biełarusi ŭ karotkaterminovaj pierśpiektyvie asablivych pieravah i strat ustupleńnie Rasiei ŭ SHA nie pryniasie.
Jarašenka taksama paviedamiŭ, što ŭ adpaviednaści z rasijskimi abaviazańniami, uziatymi pry ŭstupleńni ŭ SHA, pačatkovy ŭzrovień stavak uvaznych mytaŭ uzhodnieny nie nižejšy za dziejny.
«Dadzienyja ŭmovy nie supiarečać nacyjanalnym intaresam Biełarusi», — rastłumačyŭ jon.
«Rasija, źjaŭlajučysia siabram SHA, abaviazanaja vykonvać abaviazańni, pryniatyja joj pry ŭstupleńni ŭ dadzienuju arhanizacyju. U vypadku adstupleńnia ad tych ci inšych abaviazańniaŭ Biełaruś maje prava źviarnucca ŭ sud JeŭrAzES», — adznačyŭ Jarašenka.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»7
Kamientary