16 i 17 listapada ŭ ścienach muzieja Maksima Bahdanoviča ŭ Jarasłaŭli prajšoŭ konkurs čytalnikaŭ «Vianok paezii».
Na śviata paezii školnikaŭ horada sabraŭ konkurs čytalnikaŭ «Vianok paezii», prymierkavany da 120-hodździa z dnia naradžeńnia Maksima Bahdanoviča. Konkurs źjaŭlajecca adnym z etapaŭ realizacyi prajektu da 20-hodździa SND «Vianok družby».
Siońnia imia samaha ramantyčnaha biełaruskaha paeta viedaje luby biełaruski školnik. Nie zabyvajuć jaho i ŭ Jarasłaŭli.
Adna z udzielnic konkursu, Anička Nazarecian ź siaredniaj škoły № 76 zrabiła pierakład vierša M. Bahdanoviča «Zialonaje kachańnie» na rodnuju dla jaje armianskuju movu.Z dapamohaj vykładčyka muzyki paetyčnyja radki pieratvarylisia ŭ cudoŭnuju pieśniu.
Mnohija z udzielnikaŭ konkursa ŭpieršyniu dakranulisia da biełaruskaj movy, pračytaŭšy adzin z samych viadomych vieršaŭ «Pahonia» na rodnaj movie paeta. Dla bolšaści chłopčykaŭ i dziaŭčynak konkurs staŭ unikalnaj mahčymaściu pačuć u adnym miescy adrazu niekalki roznych moŭ, na jakich havorać žychary šmatnacyjanalnaha Jarasłaŭla.
Biełaruskaja, azierbajdžanskaja, armianskaja, inhušskaja, asiacinskaja, tatarskaja, ukrainskaja movy hučali ŭ konkursnyja dni ŭ domie paeta.
Nie sakret, što ŭ školnaj prahramie tvorčaść nacyjanalnych paetaŭ nie vyvučajuć. Tym bolš dziŭna i pryjemna było bačyć vialikuju kolkaść udzielnikaŭ konkursu. Lepšych čytalnikaŭ čakaje pryjemny siurpryz: mahčymaść vystupić na scenie jarasłaŭskaha Pałaca kultury «Naftavik» 9 śniežnia, u dzień naradžeńnia M. Bahdanoviča, padčas hała-kancertu «Vianok družby».
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary