Mokry śnieh čakajecca ŭ Biełarusi ŭ pačatku nastupnaha tydnia, paviedamiła hałoŭny sinoptyk Respublikanskaha hidramieteacentra Ludmiła Paraščuk. I choć hety śnieh chutka rastanie, jon užo śviedčyć ab chutkim pachaładańni i zimovym charaktary nadvorja.
A ŭ bližejšuju piatnicu i vychadnyja dni nadvorje ŭ Biełarusi budzie farmiravać antycykłon z centram nad Polščaj. Budzie pieramiennaja vobłačnaść, pieravažna biez apadkaŭ.
U noč na 11 listapada i ranicaj miescami zhuścicca tuman, mahčymy słaby hałalod. Adčuvańnie prachałody ŭzmocnić paŭnočny ŭmierany viecier. Tempieratura pavietra ŭ načny čas budzie znachodzicca ŭ miežach ad nula da minus 7 hradusaŭ. Udzień prahnazujecca 1–6 hradusaŭ ciapła.
U subotu, 12 listapada, na fonie pavyšanaha atmaśfiernaha cisku budzie pieramiaščacca małaaktyŭny atmaśfierny front. Tamu ŭ asobnych rajonach projdzie nievialiki śnieh. Padźmie paŭnočny ŭmierany viecier. Nočču i ranicaj miescami zhuścicca tuman.
U pačatku nastupnaha tydnia nadvorje ŭ Biełarusi pačnie mianiacca.U akvatoryi paŭnočnych moraŭ sfarmirujecca cykłon, jaki adpravicca na poŭdzień praź jeŭrapiejskuju častku Rasii. Śledam za im pačnuć pastupać chałodnyja i niaŭstojlivyja pavietranyja masy.
U paniadziełak, 14 listapada, udzień pa
U noč na paniadziełak tempieratura pavietra składzie ad minus 5 da plus 2 hradusaŭ, dniom budzie nul — plus 5 hradusaŭ. U aŭtorak, 15 listapada, na praciahu sutak prahnazujecca ad minus 5 da plus 1 hradusa.
U sieradu, 16 listapada, Biełaruś apyniecca pad upłyvam čarhovaha antycykłonu, sfarmiravanaha ŭ chałodnym arktyčnym pavietry. Budzie pieravažna biez apadkaŭ. Tempieratura pavietra ŭ načny čas składzie minus 1–8 hradusaŭ, pry praciahłych prajaśnieńniach budzie da 10–12 hradusaŭ marozu. Maksimalnaja tempieratura pavietra ŭdzień budzie blizkaja da nula.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary