Viarbovačny skandał: aktyvista sacyjalnych sietak zmušali praniknuć u kampjutary aktyvistaŭ
Student Instutyta žurnalistyki BDU Maksim Čarniaŭski vykłaŭ zdymki KDBšnika Dzimy, jaki jaho vierbavaŭ, i aŭdyjozapis zachaplalnaj razmovy.
Čarhovy skandał vakoł biełaruskaha KDB: student Instytuta žurnalistyki Biełdziaržuniviersiteta Maksim Čarniaŭski vykłaŭ zdymki supracoŭnika śpiecsłužbaŭ «kuratara Dzimy», jaki jaho vierbavaŭ, i aŭdyjozapis razmovy. Infarmacyja źjaviłasia ŭ błohu Mikałaja Chalezina.
Aŭdyjo: aściarožna, supracoŭnik KDB vykarystoŭvaje niecenzurnuju leksiku.
Maksim Čarniaŭski byŭ administrataram supołki «Nadakučyŭ nam hety Łukašenka» ŭ sacyjalnaj sietcy «Ukantakcie» i stvaralnik sajta Gonzo.by. 13 lipienia jaho zaprasili ŭ KDB dla «prafiłaktyčnaj hutarki», ale zamiest jaje Maksim trapiŭ na piacihadzinny dopyt. U vyniku jon byŭ zmušany zhadzicca na nibyta supracoŭnictva.
KDB chacieŭ adpravić jaho ŭ Polšču, kab uciercisia ŭ davier da lidara «Revalucyi praz sacyjalnyja sietki» Viačasłava Dzijanava. Pierad vyjezdam Čarniaŭskamu vydali kampjutarny dysk z trajanam-špijonam, jaki jon pavinien byŭ aktyvavać na kampjutary Dzijanava i, pa mahčymaści, inšych apazicyjnych aktyvistaŭ.
Jak vynikaje, z aŭdyjozapisaŭ, zroblenych Čarniaŭskim, kadebist sprabavaŭ zhulać na imknieńni Čarniaŭskaha da samarealizacyi, a taksama prabudzić u im pačućci zajzdraści. «Žyć treba dla siabie, — vučyć viarboŭščyk, — Biary hrošy i dumaj pra siabie». Jon nastojliva, šmat razoŭ prapanuje 18-hadovamu Čarniaŭskamu hrošy.
Ciapier Maksim Čarniaŭski ŭ biaśpiecy — jon praciahnie adukacyju ŭ Polščy.
Kamientary