Za zbyt porachu asudžany51-hadovy piedahoh adnoj z ustanoŭ adukacyi Pinska.
Jak paviedamiŭ namieśnik načalnika adździeła prakuratury Bresckaj vobłaści Hienadź Buryj, 3 červienia mužčyna z metaj zbytu pryvioz na adzin z rynkaŭ Pinska 247,55 hrama biazdymnaha nitracelułoznaha porachu, jaki źjaŭlajecca kidalnym vybuchovym rečyvam.
Na rynku jon pradaŭ porach za 65 tys. rubloŭ, ale byŭ zatrymany apieratyŭnikami ŭ chodzie pravieračnaj zakupki.
Pavodle słoŭ zatrymanaha, jon nabyŭ porach u kancy viasny dla asabistych patreb i zachoŭvaŭ pa miescy žycharstva.
21 vieraśnia sud Pinskaha rajona i Pinska pryznaŭ piedahoha vinavatym pa č. 2 art. 295 Kryminalnaha kodeksa (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ)
i pryhavaryŭ da dvuch hadoŭ pazbaŭleńnia voli z adterminoŭkaj vykanańnia na dva hady.
Jak adznačyŭ Bury, sud uličyŭ, što abvinavačany raniej ni ŭ čym zahannym zaŭvažany nie byŭ, charaktaryzujecca vyklučna sa stanoŭčaha boku, a taksama toje, što choć porach i źjaŭlajecca vybuchovym rečyvam, ale vykarystoŭvajecca ŭ asnoŭnym dla načyńnia palaŭničych patronaŭ.
25 kastryčnika sudovaja kalehija pa kryminalnych spravach Bresckaha abłasnoha suda pakinuła pryhavor suda pieršaj instancyi bieź źmianieńnia, i jon uvajšoŭ u zakonnuju siłu.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary