Daškieviču dazvolili spatkańnie z baćkam, bolš nie presujuć
Niaviesta Daškieviča Nasta Pałažanka raskazała pra vyniki svajoj sustrečy z administracyjaj Hłybockaj kałonii i vizit advakata.
«NN»: Źmicier dasłaŭ list da chrosnaj maci, u jakim napisaŭ, što «nie viedaje, jak heta možna pieraadolvać bolej». Pieravod u Hłybokaje nie prynios palohki?
NP:
Pieravod prynios palohku.I my spadziajemsia, što ŭ hetym vypadku situacyja stabilizujecca i narmalizujecca. Ja razmaŭlała z advakatam, była na sustrečy z administracyjaj kałonii.
Tam ludzi davoli prystojnyja i kirujucca najpierš zakonam, što dla mianie vielmi važna.
Spadziajusia, što situacyja sa Źmitrom palepšaje. I ŭ hety momant u jaho niama nijakich skarhaŭ na ŭmovy ŭtrymańnia ci nakont adnosinaŭ da jaho.
Biezumoŭna, uvieś žach, apisany ŭ liście, mieŭ miesca. I my budziem i nadalej pisać skarhi ŭ prakuraturu ab pryciahnieńni da adkaznaści administracyi Horackaj kałonii.
«NN»: Advakat učora bačyŭ Źmitra. Što jon raskazaŭ?
NP: Pavodle advakata,
Źmicier vyhladaje absalutna spakojnym, pačuvajecca našmat lepš.Navat žartuje, što Hłybokaje — heta centr Jeŭropy, i ludzi tam pavodziać siabie bolš karektna.
«NN»: Ci dazvolili jamu trymać pry sabie Bibliju?
NP: Dazvolili. Tam niama takoj prablemy, jak u Horackaj kałonii. Ja atrymlivaju ad jaho listy, jakija jon adpraŭlaje štodnia. Pošta prychodzić chutka. Źmitru dazvolili mieć ciopłyja rečy, atrymlivać pieradačy. I mnie zdajecca, hetaja administracyja vielmi ździŭlena tymi pavodzinami, što byli ŭ Horkach. Chacia ja nie mahu hetuju administracyju achaktaryzavać ni čym dobrym, ni čym kiepskim. Dla nas radaść, kali ludzi kirujucca zakonam.
«NN»: U Horkach Źmitra pazbavili spatkańniaŭ z rodnymi. U Hłybokim takuju mahčymaść adnavili?
NP: Tak.
Ciaham miesiaca ŭ jaho budzie mahčymaść pabačycca z baćkam.
Pakul vyrašajem techničnyja momanty.
«NN»: Źmicier napisaŭ u liście, što jamu patrabujecca apieracyja na kalenie. Što heta za traŭma?
NP: Hetaja traŭma była ŭ jaho daŭno. Ale kali ty žyvieš u narmalnych umovach, heta prablema nie maje tendencyi abvastreńnia. A kali ty pravodziš miesiacy na doškach, biez narmalnaha charčavańnia, staryja prablemy prajaŭlajucca. Na dadzieny momant jon nie źbirajecca nakiroŭvać nijakija zajavy na špitalizacyju. Stan zdaroŭja jaho krychu palepšaŭ. Jon adznačaje, što ŭ Hłybokim navat ježa lepšaja.
Padtrymać Źmitra možna listom ci telehramaj.
Ciapier vielmi lohka pasyłać telehramy praz telefon. Dastatkova pazvanić z haradskoha na numar 166 i pradyktavać tekst. Apłata vam pryjdzie razam z rachunkam za razmovy za miesiac.
211791, Viciebskaja vobł., h. Hłybokaje, vuł. Savieckaja, 205, papraŭčaja kałonija № 13. Daškieviču Dźmitryju Viačasłavaviču.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju22
Kamientary