ES salidaryzavaŭsia ź biełarusami, asudziŭ razhon Maŭklivych Sieradaŭ
Viarchoŭny pradstaŭnik ES pa pytańniach zamiežnaj palityki i biaśpieki,vice-prezidentka Jeŭrakamisii Ketryn Eštan 16 lipienia vystupiła z zajavaj, u jakoj asudziła zatrymańni ŭdzielnikaŭ akcyj maŭklivaha pratestu ŭ Biełarusi.
Ketryn Eštan vykazvaje škadavańnie ŭ suviazi z «paŭtornymi brutalnymi dziejańniami biełaruskich uład u dačynieńni da maŭklivych pratestoŭcaŭ — prostych biełaruskich hramadzian, jakija mirna i zakonna vykazvajuć svaju niezadavolenaść situacyjaj u krainie». «Mnohija ź ich padvierhnuty žorstkamu abychodžańniu z boku supracoŭnikaŭ pravaachoŭnych orhanaŭ, aštrafavany abo pryhavorany da administracyjnaha aryštu na padstavach, što vyklikajuć pytańni», — zajaviła pradstaŭnik ES.
Jana zaklikała ŭłady krainy «pavažać pravy biełaruskaha naroda, uklučajučy svabodu vykazvańnia i schodaŭ, vyzvalić i źniać usie abvinavačańni ŭ dačynieńni da aryštavanych i asudžanych», a taksama «nieadkładna i biez umoŭ vyzvalić i reabilitavać usich palitźniavolenych».
Pavodle danych pravaabaroncaŭ, padčas akcyj maŭklivaha pratestu, jakija prachodziać u Biełarusi z červienia pa sieradach (jašče adna adbyłasia ŭ niadzielu, 3 lipienia, u Dzień Niezaležnaści), było zatrymana prykładna 1.800 čałaviek, u tym liku ŭ Minsku — bolš za tysiaču. Častka adpuščana biez składańnia pratakołaŭ, častka — aštrafavana abo aryštavana.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary