Jana viarnułasia na ŭzrovień viasny 2005 hoda.
Staŭka refinansavańnia Nacyjanalnaha banka Respubliki Biełaruś z 1 červienia 2011 h. vyrasła na 2 pracentnyja punkty i składaje ciapier 16% hadavych.
Jak paviedamlaje ŭpraŭleńnie infarmacyi Nacbanka, čarhovaje pavyšeńnie staŭki refinansavańnia, a adpaviedna i pracentnaj staŭki pa depazitach, nakiravana na pavieličeńnie dachodnaści pa ŭkładach u biełaruskich rublach i ŭzmacnieńnie abarony rublovych źbieražeńniaŭ u bankach ad inflacyi.
Hałoŭny bank krainy abiacaje «i dalej nadavać pilnuju ŭvahu zachavanaści i pryvabnaści rublovych układaŭ nasielnictva i arhanizacyj u bankach».
Heta čaćviortaje pavyšeńnie staŭki refinansavańnia z pačatku hetaha hoda.
Papiarednija razy jana padvyšałasia 18 maja — na 1 pracentny punkt (da 14%),
16 sakavika — na 1,5 pracentnaha punkta (z 10,5 da 12%), a zatym 20 krasavika — na 1% da 13% hadavych.
Kamientary