Alaksandr Łukašenka raskrytykavaŭ vystupleńnie biełaruskaj chakiejnaj zbornaj na 75-m čempijanacie śvietu pa chakiei ŭ Słavakii.
«Heta što za vystupleńnie kamandy na čempijanacie śvietu? My ž tudy hrošy ŭbuchali niemałyja! Dzie vyniki? Što vy pakazvajecie na čempijanacie śvietu, jakoje tam majsterstva? Poŭny bardak! Kamandy niama, dyscypliny niama»,— zajaviŭ Łukašenka 5 maja na naradzie pa pytańni dziaržpadtrymki fizičnaj kultury i sportu, paviedamlaje
«Źniesłaŭlacca takim čynam niedapuščalna, — skazaŭ jon. — I heta nie tolki chakiej. Ale hetamu vidu sportu my ŭžo ŭdzialili ŭvahi stolki, što bolš i nie prydumaješ».
Staršynia Fiederacyi chakieja Biełarusi Jaŭhien Vorsin
«paprasiŭ prabačeńnia za nievyraznaje vystupleńnie biełaruskaj zbornaj», jakaja zaraz hulaje na turniry zaNa jaho dumku, pryčyna niaŭdač toicca ŭ tym, što kamanda znachodzicca ŭ pracesie amaładžeńnia: bolš mocnyja hulcy zaviaršyli spartyŭnuju karjeru, a moładź jašče nie vyjšła na naležny ŭzrovień hulni. Na hetym čempijanacie vystupajuć siem debiutantaŭ.13-16-je miescy.
«Łodary! — adreahavaŭ Łukašenka.— Ja kryšku, zusim kryšku ŭ sporcie raźbirajusia i baču: hałoŭnaja pryčyna takoj hulni ŭ tym, što fizična nie hatovy, a vy mnie raskazvajecie pra źmienu pakaleńniaŭ. Ni žadańnia tam niama, ni majsterstva, ni dyscypliny, ni paradku! Nie bačna ni hulcoŭ, ni trenieraŭ».
Jaŭhien Vorsin taksama zaznačyŭ, što bieź dziaržaŭnaj padtrymki chakiejnyja kłuby apynucca ŭ «surjoznym ekanamičnym upadku», ułasnaja haspadarčaja dziejnaść nie daje pakul surjoznaj addačy. Na heta biełaruski kiraŭnik adkazaŭ: «Vy nazvali šerah prablem: nie možacie apłacić kamunalnyja pasłuhi za spartyŭnyja zbudavańni i kupić formu. Dobra. My vyrašym pytańnie pa kamunalnych pasłuhach, pahladzim, jak, pracentaŭ 50 apłacim, usio nielha, tamu što nie buduć potym zajmacca pracaj tut, nie buduć imknucca zarablać hrošy, i kupim formu spartyŭnuju. Pa narmatyvie kožnamu hulcu, pačynajučy ad vyšejšaha kłasa i zbornaj i zakančvajučy dzietkami, jakija zajmajucca. Kali łaska! A astatniaje — idzicie i zarablajcie sami».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary