Niezaležnuju rehijanalnuju presu nie puskajuć na vystavu «ŚMI ŭ Biełarusi»
Svaju admovu arhanizatar mierapryjemstva RUP «Dom presy» faktyčna ničym nie patłumačyŭ.
Svaju admovu arhanizatar mierapryjemstva RUP «Dom presy» faktyčna ničym nie patłumačyŭ.
«U suviazi z arhanizacyjna-techničnymi pryčynami RUP “Dom presy” nie maje mahčymaści vykanać damoŭnyja abaviazki ŭ častcy pradastaŭleńnia zareziervavanaj vystavačnaj płoščy dla ŭdziełu Vašaj arhanizacyi ŭ XV Mižnarodnaj śpiecyjalizavanaj vystavie “ŚMI ŭ Biełarusi”», — skazana ŭ liście ad 27 krasavika za podpisam dyrektara Vitala Nazaranki.
U minułym hodzie Asacyjacyja rehijanalnaj presy ŭpieršyniu i davoli paśpiachova pryniała ŭdzieł u vystavie «ŚMI ŭ Biełarusi»: pa vynikach mierapryjemstva joj navat byŭ uručany dypłom za lepšy debiut za podpisam ministra infarmacyi Aleha Pralaskoŭskaha.
Asacyjacyja rehijanalnaj presy «Abjadnanyja maśmiedyja» była zarehistravanaja ŭ 2009 hodzie. Jana abjadnoŭvaje vydaŭcoŭ zvyš 20 niezaležnych rehijanalnych haziet. Bolšaść ź ich u 2006 hodzie było vyklučana ź dziaržaŭnaj sistemy raspaŭsiudu. Mnohim ź ich tak i nie atrymałasia ŭ jaje viarnucca.
XV Mižnarodnaja śpiecyjalizavanaja vystava «ŚMI ŭ Biełarusi» projdzie ŭ paviljonie Nacyjanalnaha vystavačnaha centra «BiełEKSPA» z 4 pa 7 maja 2011 hoda.
Hladzi jašče: «Mnohija sa ździŭleńniem daviedalisia, što jość takija haziety, jak «Hazieta Słonimskaja» ci «Intex-press».
Kamientary