Łazavik: Praces rehistracyi inicyjatyŭnych hrup prajšoŭ supierlibieralna
Pra heta zajaviŭ žurnalistam sakratar Centralnaj kamisii pa vybarach i praviadzieńni respublikanskich refierendumaŭ Mikałaj Łazavik 27 vieraśnia ŭ Minsku.
«My zarehistravali inicyjatyŭnyja hrupy navat tych pretendentaŭ, u jakich u padadzienych dakumientach byli istotnyja niedapracoŭki i jakija nie vielmi surjozna pastavilisia da farmiravańnia hrupy», — skazaŭ Łazavik.
Libieralizm pry rehistracyi inicyjatyŭnych hrup jon nazvaŭ «dobrym znakam dla tych, chto budzie źbirać podpisy i chto stanie kandydatam u prezidenty».
Vialikaja kolkaść inicyjatyŭnych hrup, pavodle mierkavańnia Łazavika, robiać vybary demakratyčnymi i dajuć vybarščyku mahčymaść paraŭnoŭvać roznyja prahramy pretendentaŭ.
Sakratar CVK taksama adznačyŭ, što zbor 100 tys. podpisaŭ dla rehistracyi kandydatam u prezidenty — «vielmi vialikaja arhanizacyjnaja i fizičnaja praca». Pavodle jaho słoŭ, vybarščyki buduć padtrymlivać tych, u kaho ŭžo jość sacyjalnaja padtrymka.
27 vieraśnia CVK zarehistravała 17 z 19 inicyjatyŭnych hrup pretendentaŭ na pasadu prezidenta.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary