Sumnaja budučynia seksu

Amierykanskija seksołahi papiaredžvajuć, što pieradavyja technałohii seks-industryi mohuć nie tolki prynosić asałodu, ale i pahoršyć adnosiny pamiž ludźmi.

Łaskava zaprašajem u budučyniu: štučnyja, na ŭsio zhodnyja partniory ŭ łožku, šmatrazovaje ŭzmacnieńnie pociahu i połavaj mocy z dapamohaj raznastajnych vijahraŭ, spraŭdžvańnie ŭsich seksualnych mrojaŭ pry dapamozie kamputarnych prahramaŭ. Hučyć pryvabna? «My nie ŭpeŭnienyja», — kažuć seksołahi.

Centralnaja dumka viadučych amierykanskich seksołahaŭ: technałohii, što musiać zadavolić čałaviectva ŭ połavym pytańni, mohuć apanavać taksama śfieru ŭzajemnych adnosinaŭ čałavieka i dyktavać novyja praviły hulni, u jakich staromu seksu miesca bolš nie zastaniecca.

«Najbolš turbuje toje, što sučasnyja sposaby seksualnaha zadavalnieńnia ŭsio mienš patrabujuć prysutnaści inšaha čałavieka», —

Kali čałaviectva budzie nadta chilicca ŭ bok virtualnaha seksu, ćvierdziać seksołahi, dyk u ludziej, zrazumiełaja reč, budzie mienš prablem i ciažkaściaŭ z sapraŭdnymi partniorami, ale ź inšaha boku, heta poŭnaje razbureńnie zvyčajnych šlubnych i luboŭnych stasunkaŭ. Ludzi adno adnamu buduć prosta nie patrebnyja. I hetaja katastrofa ŭžo nie za harami. Jak dekłarujuć kamputarniki, praź jakija 10 hadoŭ užo budzie stvoranaja prahrama, jakaja zmoža zadavolić fantaziju luboha karystalnika. U virtualnaj rečaisnaści, viadoma.

U budučym, kali luboŭny akt budzie ŭklučać upadabanuju madelku abo ŭlubionaha kinaaktora, kamu zachočacca «marnavać» čas na žančynu, u jakoj «balić hałava», ci mužčynu, u jakoha ceły miesiac «nie staić»?

«Raźvićcio seks-technałohijaŭ stvaraje ŭzor dla pierajmańnia, i kali maładyja ludzi pačnuć vučyć pra seksualnaje žyćcio z dapamohaj sučasnych srodkaŭ, to jany adnaznačna nie daviedajucca, što luboščy — heta najpierš sajuz i kantakt ź inšym čałaviekam», — dadaje Chiejman. A z pryčyny, što paścielnaje žyćcio amal ni ŭ koha nie daskanałaje na ŭsie 100 adsotkaŭ, dadaje śpiecyjalistka, dyk ludzi całkam pieraklučacca na virtualnych partnioraŭ, što pahražaje im, u dadatak, niemahčymaściu avałodać asnoŭnymi navykami sapraŭdnaha seksu.

A kampanija pa vytvorčaści miedpreparataŭ, jakija za apošnija 10 hadoŭ učynili revalucyju ŭ industryi mužčynskaj erekcyi, pasprabujuć adno pašyryć koła svaich spažyŭcoŭ, ličyć Chiejman. «Jak tolki ŭžyvańnie połavych zaachvočvalnikaŭ zrobicca zvykłym, intensiŭnaść mižasabovych adnosinaŭ rezka źnizicca, — ličyć prafiesar Džon Hańjon ź dziaržaŭnaha ŭniviersiteta Ńju-Jorka. — Ludzi buduć bavicca seksam, pryniaŭšy pihułku, a nie pad upłyvam žarści».

• 0
• 0
• 0
• 0
• 0
• 0
• 0
• 0