Samy darahi dom u Minskaj vobłaści pradali za 1,2 miljona dalaraŭ
Heta katedž niepadalok ad plažu №3 Zasłaŭskaha vadaschovišča budaŭnictva jakoha pačałosia ŭ 2022 hodzie. Žyły kompleks Miruar Spa-Hotel & Villas raźmiaściŭsia na ŭčastku, jaki ŭ savieckija časy zajmaŭ restaran «Zasłaŭl», piša realt.by.
Niahledziačy na toje, što novaje pasielišča ŭźnikła pobač ź vioskaj Zarečča-1, aficyjna jano adnosicca da ahraharadka Ždanovičy. Uvieś kompleks składajecca z 44 viłaŭ płoščaj 290—650 kvadratnych mietraŭ.
Jak paznačana na sajcie prajekta, u kožnym domie praduhledžany basiejn, chamam, saŭna i trenažornaja zała. Na ŭčastku abiacajuć łandšaftny dyzajn z aŭtamatyčnym palivam i padśvietkaj, a taksama zonu barbiekiu.
Akramia taho, na terytoryi budzie Spa-Hotel, sałon pryhažości, trenažornaja zała i kafe-restaran. Ciapier adna častka, bližej da vioski, jašče budujecca, a častka kompleksu, raźmieščanaja siarod lesu i niedaloka ad plažu Minskaha mora, užo hatovaja.
I mienavita tut (na vulicy Prybiarežnaj) u mai kupili samy darahi dom. Im stała viła 2025 hoda pabudovy płoščaj 597 kvadratnych mietraŭ. Za jaje addali 1,2 miljona dalaraŭ. Darečy, hod tamu padobny katedž kaštavaŭ pakupniku krychu tańniej — miljon dalaraŭ.
Ciapier čytajuć
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy2
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary