Łukašenka 16 studzienia padpisaŭ Ukaz «Ab kryptabankach i asobnych pytańniach kantrolu ŭ śfiery ličbavych znakaŭ (tokienaŭ)».
Dakumient nakiravany na ŭmacavańnie imidžu Biełarusi jak lidara ŭ śfiery finansavych IT-technałohij i praduhledžvaje stvareńnie ŭmoŭ dla dziejnaści kryptabankaŭ u krainie, paviedamlaje pres-słužba Łukašenki.
Zhodna z ukazam, kryptabankam pryznajecca akcyjaniernaje tavarystva, jakomu dadziena prava sumiaščać dziejnaść z vykarystańniem ličbavych znakaŭ (tokienaŭ) z ažyćciaŭleńniem bankaŭskich, apłatnych i inšych źviazanych ź imi finansavych apieracyj.
Dla dopusku na rynak kryptabank pavinien mieć status rezidenta Parku vysokich technałohij i być uklučany ŭ rejestr kryptabankaŭ Nacyjanalnaha banka.
Pry ažyćciaŭleńni svajoj dziejnaści kryptabank abaviazany vykonvać patrabavańni zakanadaŭstva, praduhledžanyja ŭ adnosinach niabankaŭskich kredytna-finansavych arhanizacyj, a taksama vykonvać rašeńni Naziralnaj rady Parku vysokich technałohij.
Zaznačajecca taksama, što dvajnoje rehulavańnie dazvolić kryptabanku prapanoŭvać klijentam inavacyjnyja finansavyja pradukty, adnačasova vałodajučy pieravahami jak kłasičnych bankaŭskich apieracyj, tak i technałahičnaściu, chutkaściu i zručnaściu apieracyj ź ličbavymi znakami (tokienami).
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior7
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary