«Bi-bi-si» vybačyłasia pierad Trampam za mantaž jaho pramovy ŭ prahramie
Brytanskaja karparacyja pryniesła vybačeńni za vypusk prahramy «Panarama», u jakim jana skleiła dva frahmienty pramovy Trampa 6 studzienia 2021 hoda, u dzień šturmu Kapitolija, ale admoviłasia płacić kampiensacyju.
«My pryznajom, što naš mantaž nienaŭmysna stvaryŭ uražańnie, byccam my pakazvali adzin bieśpierapynny frahmient pramovy, a nie vytrymki z roznych jaje častak, i što heta stvaryła pamyłkovaje ŭražańnie, nibyta prezident Tramp zaklikaŭ da hvałtoŭnych dziejańniaŭ», — havorycca ŭ zajavie «Bi-bi-si».
Jurysty Trampa raniej pahražali padać pazoŭ da «Bi-bi-si» na miljard dalaraŭ, kali karparacyja nie apublikuje abviaržeńnie, nie pryniasie vybačeńni i nie vypłacić kampiensacyju. Pavodle słoŭ pradstaŭnika «Bi-bi-si», staršynia Rady karparacyi Samir Šach asobna adpraviŭ asabisty list u Bieły dom, daŭšy zrazumieć prezidentu Trampu, što «Bi-bi-si» škaduje pra mantaž pramovy prezidenta, ale «kateharyčna nie zhodnaja» z tym, što isnujuć padstavy dla pazovu ab paklopie.
Paśla skandału z mantažom pramovy Trampa pra adstaŭku abviaścili hiendyrektar «Bi-bi-si» Cim Dejvi i kiraŭnica navinavaha padraździaleńnia Debara Ciornes.
Prahrama «Panorama» zmantavała dźvie častki pramovy Trampa takim čynam, kab skłałasia ŭražańnie, byccam jon adkryta padbuchtorvaŭ da biesparadkaŭ u Kapitolii ŭ studzieni 2021 hoda. Na hetym fonie lidar apazicyjnaj Kansiervatyŭnaj partyi Vialikabrytanii Kiemi Badenak zaklikała da adstavak u «Bi-bi-si».
-
Pasła Rasii ŭ Armienii adklikali ŭ Maskvu dla kansultacyj
-
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
-
Rasija, Biełaruś, Kazachstan i Kyrhyzstan zapatrabavali ad Armienii pravieści refierendum i vybrać pamiž Jeŭrapiejskim i Jeŭrazijskim sajuzami
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram11
Kamientary