Polšča płanuje ŭžo ŭ najbližejšyja miesiacy pačać budaŭnictva ŭłasnaj nacyjanalnaj sistemy baraćby ź bieśpiłotnikami, nie čakajučy inicyjatyvy Jeŭrapiejskaha sajuza pa stvareńni ahulnajeŭrapiejskaj ściany dronaŭ.
Namieśnik ministra nacyjanalnaj abarony Polščy Cezary Tomčyk paviedamiŭ Bloomberg, što ministerstva abjavić pra inviestycyi ŭ prajekt vyjaŭleńnia, hłušeńnia i niejtralizacyi varožych bieśpiłotnikaŭ užo ŭ hetym miesiacy. Heta stanie častkaj bolš šyrokaj prahramy supraćpavietranaj abarony krainy.
Tomčyk padkreśliŭ, što Varšava addaje pryjarytet nacyjanalnym prajektam, choć i padtrymlivaje ideju ŭmacavańnia abarony nieba nad usim ES.
Polski ŭrad choča, kab antydronavaja sistema była zavieršanaja praz dva hady.
Jeŭrapiejskaja ściana dronaŭ u budučym moža dapaŭniać polskuju sistemu.
Paskoryć hety prajekt Polšču vymusiŭ incydent u vieraśni, kali blizu 20 bieśpiłotnikaŭ pierasiekli polskuju terytoryju padčas rasijskaha avijaŭdaru pa Ukrainie. Heta vyjaviła, što kraina vymušanaja ŭžyvać darahija rakiety suprać tannych bieśpiłotnych aparataŭ. Umacavańnie mahčymaściej u hetaj śfiery stała pryjarytetam.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»7
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary