U Jeŭropie ŭsprymajuć sustreču Pucina i Trampa ŭ Budapiešcie jak «palityčny kašmar»
Sustreča prezidentaŭ Rasii i ZŠA Uładzimira Pucina i Donalda Trampa, jakaja płanujecca ŭ Budapiešcie, vyklikała tryvohu ŭ Jeŭrasajuzie. Jeŭrapiejskija čynoŭniki ŭ pryvatnych razmovach nazyvajuć jaje «palityčnym kašmaram», bačačy ŭ hetym prajavu ihnaravańnia ES, piša ispanskaje vydańnie El País.
Vybar Vienhryi dla praviadzieńnia samitu stavić jeŭrapiejskich lidaraŭ, a taksama kiraŭnictva ES i NATA, u niazručnaje stanovišča. Pa słovach adnaho jeŭrapiejskaha dypłamata, mienavita Budapiešt jak miesca praviadzieńnia moža mocna spryjać Rasii, bo pasłablaje adzinstva ES i adnačasova padtrymlivaje vienhierskaha premjera Viktara Orbana pierad parłamienckimi vybarami 2026 hoda.
El País adznačaje, što sustreča taksama dazvalaje Pucinu ŭmacavać svaje pazicyi na hłabalnaj hieapalityčnaj arenie i demanstruje, jak Vienhryja vykarystoŭvajecca jak «słaboje źviano» ES. Na dumku palitołaha z Harvarda Albierta Alemana, Orban atrymlivaje vyhadu ad adnosin z Rasijaj i ZŠA bolš, čym ź ES. Ekśpiert taksama adznačaje, što Orban moža nibyta pradstaŭlać na hetym samicie intaresy ŭsioj Jeŭropy, choć jaho pazicyja pa pytańni Ukrainy adroźnivajecca ad aficyjnaj linii Brusiela.
Niahledziačy na heta, Jeŭrakamisija aficyjna vitaje damoŭlenaść ab pieramovach pamiž Pucinym i Trampam. Pradstaŭnik JEK adznačaje, što sustrečy nie zaŭsiody prachodziać u žadanym farmacie, ale kali jany nabližajuć da spraviadlivaha i tryvałaha miru dla Ukrainy, to ich treba padtrymlivać.
Samit u Budapiešcie taksama stvaraje łahistyčnyja prablemy: niekatorym jeŭrapiejskim krainam daviadziecca adkryć svajo nieba dla samalota Pucina, bo paloty rasijskich bartoŭ zvyčajna zabaronienyja, u tym liku nad ZŠA. Adnak dla pieramoŭ na Alascy ŭ žniŭni 2025 hoda była zroblena vyklučeńnie.
Pucin moža dabracca ŭ Vienhryju praz Polšču, Rumyniju abo nad Čornym moram pa ŭzhadnieńni z Turcyjaj. Najbolš praktyčnym ličycca maršrut praz Polšču, ale jon moža być zabłakavany, kali polskija ŭłady buduć stvarać pieraškody.
Sustreča stała mahčymaj paśla niadaŭniaj telefonnaj razmovy Pucina i Trampa. Vienhryja zajaviła, što hatovaja prymać pieramovy na najvyšejšym uzroŭni. Orban padkreślivaje, što Budapiešt — adzinaje miesca ŭ Jeŭropie, dzie heta možna zrabić, bo vienhierskija ŭłady apošnija try hady «adkryta vystupajuć za mir». Ministr zamiežnych spraŭ Vienhryi Pietier Sijarta harantavaŭ stvareńnie biaśpiečnych umoŭ dla pieramoŭ.
Farmalna Vienhryja jašče ŭdzielničaje ŭ Rymskim statucie i pavinna vykonvać ordary Mižnarodnaha kryminalnaha suda, u tym liku vydadzieny na aryšt Pucina. Hiermanija pierad samitam zaklikała Orbana vykonvać hetyja abaviazki. Choć Vienhryja abviaściła pra vychad z MUS u krasaviku 2025 hoda, pracedura zajmaje 21 miesiac, tamu na momant vizitu Pucina jana jašče budzie pad jurysdykcyjaj suda.
Mierc: Vizit u ZŠA prajšoŭ nie tak, jak spadziavaŭsia Zialenski
Pakazany imavierny šlach Pucina da Budapiešta
Śpiecpasłańnik Pucina prapanavaŭ złučyć Rasiju i ZŠA «tunelem Pucina — Trampa»
Tramp pierapyniŭ sustreču na Alascy paśla doŭhaj lekcyi Pucina pra Ruryka i Jarasłava Mudraha
Piaskoŭ patłumačyŭ, čamu miescam budučaj sustrečy Trampa i Pucina abrany Budapiešt
Tramp pahadziŭsia na jašče adnu sustreču z Pucinym — u Budapiešcie
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj67
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary
tam úsio prodana i kuplena , spadarstva .
Było b dobra, kab pry pralocie nad moram na pieramovy z Pucinym prylacieła b rakieta VSU. Jość ab čym parazmaŭlać.
Jašče jość varyjant kapać tunel "Pucin - Orban".
Pa trubie hazapravoda paŭźci.
Razumieju, što adčuvajuć zaraz narmalnyja vuhorcy. Kraina svabodnaja - spadziavajusia, zrobiać tam pratesty.
Tramp, viadoma, jašče hłybiej zakopvajecca. Sustrecca z 2-mia mutnymi dziejačami adrazu. Horš tolki ŭ Maskvu abo Minsk.