Daradca Cichanoŭskaj: Z 2020 hoda šeść tysiač nastaŭnikaŭ stracili pracu ŭ vyniku represij
Daradca Śviatłany Cichanoŭskaj pa navucy i adukacyi Pavieł Cieraškovič napisaŭ zvarot da Dnia nastaŭnika, jaki adznačajecca na hetych vychodnych.
«Dzień nastaŭnika — heta nie tolki prafiesijnaje śviata, bukiety kvietak, baćkoŭskija i dziciačyja vinšavańni. Heta nahoda dla rozdumu — kim jość siońnia nastaŭnik i nastaŭnica ŭ Biełarusi? Hetaja prafiesija adyhryvaje vyznačalnuju rolu ŭ ekanamičnym pośpiechu, dabrabytu i biaśpiecy hramadstva. Škoła zakładvaje padmurak dla hetaha tolki tady, kali jana vychoŭvaje asobu, zdolnuju samastojna prymać rašeńni, krytyčna i kreatyŭna myślić. Ale ciapier ci mahčyma heta ŭ Biełarusi?
Ideołahi režymu abviaścili, što «nastaŭnik — heta čałaviek prezidenta». Dziaržava mietadyčna źniščaje adukacyju na biełaruskaj movie, dapuściła stvareńnie prahramaŭ vajskovaj padrychtoŭki, militarysckija letniki i vajskova-patryjatyčnyja kłasy», — piša navukoviec.
Pavieł Cieraškovič zaznačaje, siońnia vielmi ciažka być nastaŭnikam ci nastaŭnicaj u Biełarusi, bo ich nahružajuć biaskoncaj spravazdačnaściu, praźmiernaj nahruzkaj i kantrolem z boku ŭłady.
«Bolš za 6 tysiačaŭ nastaŭnikaŭ i nastaŭnic stracili pracy praz represii, zvyš 50 čałaviek prajšli praź piekła katavańniaŭ u kałonijach i na «chimii», niekatoryja i ciapier znachodziacca za kratami», — kaža Pavieł Cieraškovič i vykazvaje ščyry dziakuj tym, chto ŭ hetych umovach zachavaŭ prafiesijnuju hodnaść.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ2
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary
Počiemu pro putina v pižamie Błera nie pišitie?