Ałbanija pieršaj u śviecie pryznačyła ministram štučny intelekt, kab sačyŭ za karupcyjaj
Ałbanija stała pieršaj krainaj, dzie va ŭrad uvajšoŭ virtualny ministr, stvorany na asnovie štučnaha intelektu. Zadača bota — zrabić tak, kab dziaržzakupki byli na 100% svabodnyja ad karupcyi.
Novy «člen kabinieta» pa imieni Dzijeła (u pierakładzie z ałbanskaj — «sonca») zojmiecca kiravańniem dziaržaŭnymi tendarami i budzie adkazvać za raźmierkavańnie kantraktaŭ, piša Devby.
Premjer-ministr Edzi Rama, jaki farmiruje svoj čaćviorty kabiniet, zajaviŭ, što Dzijeła stanie «pieršym členam urada, jaki nie prysutničaje fizična, a stvorany virtualna pry dapamozie ŠI».
Zadača bota — zrabić tak, kab dziaržzakupki byli na 100% svabodnyja ad karupcyi.
Tendary ŭ Ałbanii daŭno ličylisia krynicaj karupcyi i sposabam admyvańnia hrošaj, što pieraškadžaje krainie nablizicca da ŭstupleńnia ŭ ES. Ciapier praces raźmierkavańnia kantraktaŭ pastupova pieradajecca ŠI, kab vyklučyć upłyŭ čynoŭnikaŭ, chabar i pahrozy.
Dzijeła źjaviłasia ŭ pačatku 2025 hoda jak virtualny asistent na partale e-Albania. U asistenta jość avatar u tradycyjnym ałbanskim kaściumie, jana adkazvaje na hałasavyja zapyty i vydaje dakumienty z elektronnymi podpisami, skaračajučy biurakratyčnyja zatrymki.
Adnak karystalniki ličać, što karupcyja ŭ Ałbanii nikudy nie dzieniecca: mnohija žartujuć, što kradziež praciahniecca, prosta ŭsie buduć abvinavačvać užo Dzijełu.
Ałbanija, pa acenkach ekśpiertaŭ, zastajecca vuzłom dla mižnarodnych złačynnych hrupovak, jakija zajmajucca narkahandlem i zbrojaj. Baraćba z karupcyjaj — adna z klučavych umoŭ na šlachu da členstva ŭ ES, jakoje Rama spadziajecca dasiahnuć da 2030 hoda.
Ciapier čytajuć
Što Babaryka i Kaleśnikava adkazali na pytańni pra vajnu88
Kamientary
Kali być paśladoŭnym, to treba iści dalej - całkam pazbavić naš chcivy i pažadlivy bijałahičny vid jakoj-kolečy ŭłady. Niejramadelka ŭžo razumieje heta?
Dzie b znajści, ci natrenavać takuju madel, katoraja nie dazvolić biazhłuzdym prymatam pazbaŭlać samich siabie ŭłady?