U ZŠA aryštavali biełarusa Artura Siańko, jaki zajaŭlaje, što na radzimie jamu pahražaje palityčny pieraśled
36-hadovy Artur Siańko byŭ zatrymany imihracyjnaj palicyjaj (ICE) 15 žniŭnia i źmieščany ŭ turmu. Ab hetym Reform.news raspavioŭ jaho siabar.
Biełarus znachodziŭsia na terytoryi ZŠA lehalna. 26 žniŭnia 2021 hoda Artur Siańko prybyŭ u punkt propusku ŭ Otay Mesa Port of Entry, štat Kalifornija, dzie zajaviŭ pra bojaź pieraśledu i paprasiŭ palityčnaha prytułku.
Takuju praceduru praduhledžvaje Zakon ab imihracyi i hramadzianstvie. Siańko minimum z 2022 hoda znachodzicca ŭ miždziaržaŭnym vyšuku pa palityčnym artykule 369 KK RB — abrazy pradstaŭnika ŭłady.
Praz dva dni paśla prybyćcia ŭ ZŠA jon byŭ vyzvaleny da dalejšaha razhladu biez pryznačeńnia sudu. Paśla hetaha jon padaŭ piśmovuju zajavu ab pradastaŭleńni palityčnaha prytułku, a na praciahu ŭsiaho času znachodžańnia ŭ ZŠA supracoŭničaŭ ź imihracyjnymi orhanami, davaŭ kantaktnyja danyja i infarmacyju ab miescy svajho znachodžańnia.
15 žniŭnia 2025 hoda jaho vyklikali pozvaj u pradstaŭnictva Departamienta ŭnutranaj biaśpieki ZŠA (U.S. Department of Homeland Security) u Ńju‑Jorku.
Artur Siańko pryjechaŭ tudy z advakatam. Dovady advakata ab jaho zakonnym znachodžańni ŭ ZŠA jak prośbita prytułku nie byli pryniatyja.
Imihracyjnyja aficery admovilisia razhladać dakumienty. Arturu Siańko nadzieli kajdanki i advieźli ŭ izalatar. U dadatak supracoŭniki mihracyjnaj słužby prapanavali jamu padpisać dakumient, što data, miesca i abstaviny jaho prybyćcia ŭ ZŠA nieviadomyja, ad čaho jon admoviŭsia, bo heta supiarečyć realnaści.
Sudovyja słuchańni pa spravie Artura Siańko byli pryznačanyja na 20 i 27 žniŭnia, ale nie adbylisia z-za jaho pieramiaščeńniaŭ pa izalatarach, nie adbyłosia taksama słuchańnie 3 vieraśnia.
Čarhovaje słuchańnie pryznačana na 10 vieraśnia. Biełarus baicca, što ŭ vyniku jaho departujuć, bo jon ciapier u vypraŭlenčym centry štata Ńju‑Mieksika, dzie asudžanyja amal nie atrymlivajuć stanoŭčych rašeńniaŭ pa spravach ab departacyi.
Taksama ŭ biełarusa vyklikaje tryvohu asoba sudździ. Pavodle jaho advakata, sudździa Semiuel Uiljams, jaki pačaŭ pracavać tolki ŭ 2024 hodzie, praktyčna nie vynosić rašeńniaŭ u karyść prośbitaŭ prytułku.
«Ja vielmi ŭdziačny prezidentu Trampu i administracyi Biełaha doma za vyzvaleńnie 14 palityčnych źniavolenych u Biełarusi. Heta sapraŭdny cud! Prezident Tramp pracuje nad vyzvaleńniem palityčnych źniavolenych u Biełarusi i nieadnarazova zajaviŭ ab nieabchodnaści vyzvalić usich palityčnych źniavolenych.
Ale ŭ toj ža čas departacyja takich ludziej, jak Artur Siańko, tolki papoŭnić śpisy palityčnych źniavolenych u Biełarusi.
Dabivacca vyzvaleńnia ludziej u Biełarusi, a potym aryštavać ich u ZŠA i adpravić na raspravu mańjaku nazad u Biełaruś, kab potym znoŭ tapicca za ich vyzvaleńnie?! Heta vielmi dziŭnaja praktyka», — prakamientavaŭ situacyju siabar i biznes-partnior Artura Siańko, jaki pažadaŭ zastacca nienazvanym (kantaktnyja dadzienyja jość u redakcyi Reform.news).
Ciapier čytajuć
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ28
Kamientary
«Palityka prezidenta Trampa (unutranaja i źniešniaja, nie zvažaju tut na papulizm) mnie krychu nahadvaje miescami dziejańni prezidenta Džona Ficdžeralda Kienedzi — ...viartańnie da daŭniaj narmalnaści amerykanskaj sistemnaj demakratyi [...] moža ŭsio atrymajecca ŭ rašučych ludziej, jakija iduć praz hadziučaje pole [...] nielha achajvać Amieryku i zakonna vybranaha amierykanskim narodam prezidenta Donalda Trampa [...] Usio, što robić i što budzie rabić prezident Tramp, idzie na karyść». Krynicy – cytaty samoha Lapidarnaha Metra z artykułaŭ na Našaj Nivie ad 16 sakavika i 3 krasavika hetaha hodu. Abo taksama trochi cytataŭ: «mušu nahadać, što pravilnaja i niaźmiennaja z 2016 hoda pazycyja Zianona Stanisłavaviča Paźniaka ab padtrymcy biełarusami palityki amerykanskaha prezydenta Trampa žyvie i budzie žyć. Padtrymlivajcie palityku paśpiachovaha prezydenta Trampa, jaki moža dapamahčy biełarusam, jaki choča pieramianić da lepšaha hety zabłukany ŭ dvuch sosnach liberalna-tupikovy śviet». Heta naohuł śviažak, post ad 11 žniŭnia. Tak što, jak tut časta lubiać kazać zienanickija spamery, ČYTAJCIE PIERŠAKRYNICY i ŬSIO PRAVILNA KAŽA PAŹNIAK. Paźniak usio pravilna skazaŭ, tak što, spadziajusia, i jon, i jahonaja sekta duža radyja vysyłcy biełarusa ŭ łapy łukašyzmu. Ź jakim u ich, darečy, «supadajuć nacyjanalnyja intaresy».
Stanoŭčy (i abaviazkova ščyry) adkaz na pastaŭlenyja pytańni patłumačyć sytuacyju, jak minimum na 99,9%....