Pa spravie śmierci dziciaci ŭ astravieckim kałodziežy zaviali kryminalnuju spravu za chałatnaść
U horadzie Astraviec u sieradu ŭviečary adbyłasia trahiedyja — zahinuŭ 5-hadovy chłopčyk, jaki patanuŭ u kałodziežy ačyščalnych zbudavańniaŭ. Śledčy kamitet rasśleduje incydent jak słužbovuju chałatnaść, jakaja pryviała da śmierci.
Pavodle najaŭnaj infarmacyi, 28 červienia ŭviečary troje dziaciej — 5, 7 i 9 hadoŭ — hulali ŭ zialonaj zonie, dzie znachodziacca liŭnievyja ačyščalnyja zbudavańni. Kanstrukcyja była adkrytaj, bieź pieraškod, tamu mały zdoleŭ samastojna adčynić luk. Jon nie ŭtrymaŭsia i ŭpaŭ usiaredzinu. Starejšyja dzieci pabiehli da maci adnaho ź ich, jakaja vyklikała ratavalnikaŭ.
Ratavalniki dastali dzicia z kałodzieža i pieradali chutkaj dapamozie, ale vyratavać jaho nie ŭdałosia.
Na miescy pracavała śledča-apieratyŭnaja hrupa. Byli apytanyja śviedki, maci zahinułaha, vyvučalisia dakumienty pa achovie pracy i technicy biaśpieki. Vyjaŭlenyja surjoznyja parušeńni: terytoryja nie była aharodžanaja, a luki byli nakrytyja płastykavymi kryškami biez zamkoŭ.
U suviazi z hetym incydentam raspačali kryminalnuju spravu pavodle artykuła ab słužbovaj chałatnaści, jakaja pryviała da śmierci čałavieka. Śledstva nadaje asablivuju ŭvahu vyjaŭleńniu pryčyn, parušeńniaŭ i ŭmoŭ, što spryjali trahiedyi, a taksama pryniaćciu mier, kab takoje bolš nie paŭtaryłasia. Płanujecca pravierka anałahičnych abjektaŭ na adpaviednaść normam biaśpieki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary