Azierbajdžan admianiŭ u krainie ŭsie rasijskija kulturnyja mierapryjemstvy
Ministerstva kultury Azierbajdžana paviedamiła pra admienu ŭsich rasijskich kulturnych mierapryjemstvaŭ, zapłanavanych na terytoryi krainy. U paviedamleńni havorycca, što takoje rašeńnie pryniata ŭ adkaz na akty hvałtu z boku rasijskich pravaachoŭnych orhanaŭ u dačynieńni da hramadzian Azierbajdžana.
Azierbajdžan skasoŭvaje rasijskija kulturnyja mierapryjemstvy praz zatrymańni ŭ Śviardłoŭskaj vobłaści. Mierapryjemstvy, arhanizavanyja rasijskimi dziaržaŭnymi i pryvatnymi strukturami — u tym liku kancerty, fiestyvali, teatralnyja pastanoŭki i vystaŭki — admienieny. Hramadzianam, jakija ŭžo nabyli kvitki, prapanujecca źviartacca pa viartańnie hrošaj.
Padstavaj dla rašeńnia stali masavyja zatrymańni vychadcaŭ z Azierbajdžana ŭ rasijskim horadzie Jekaciarynburh.
Pavodle azierbajdžanskaha MZS, uranku 27 červienia bolš za 50 čałaviek byli zatrymanyja siłavikami ŭ miežach rasśledavańnia zabojstva, ździejśnienaha ŭ 2001 hodzie.
Jak paviedamlaje URA.RU, sprava tyčycca hibieli handlara, jakuju nie ŭdałosia raskryć pa haračych śladach. Ciapier sprava adnoŭlena, i rasśledavańnie viadzie śpiecyjalny adździeł Śledčaha kamiteta pa raskryćci złačynstvaŭ minułych hadoŭ.
Azierbajdžanski bok zaklikaŭ Rasiju nieadkładna pravieści rasśledavańnie hetych zatrymańniaŭ i pryciahnuć vinavatych da adkaznaści.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary
Bahdan Chmialnicki, typu taho, padpisaŭ niekali "hłybokuju" intehracyju z
ardoj ... Ukrainskija historyki kažuć, što Chmialnicki ničoha nie
padpisvaŭ, i ŭsio heta chłuśnia! I papier nijakich nie było i niama! A maskoŭcy
kažucu, što Chmialnicki -- padpisvaŭ, ale papiery nie zachavalisia bo mol
ich pajeła. A ŭ vyniku što? Ukraina-Ruś na doŭhija stahodździ patrapiła pad
maskoŭski bot. Maskoŭskaja arda skrała nazvu Ukrainy -- Ruś, usiu jaje
historyju, mitalohiju, kulturu i vydaje jaje za svaju. Uziać by taho kniazia
Uładzimira, jaki, nibyta, chryściŭ maskavitaŭ, jašče i pomniki jamu nachabna
staviać. A dalej i zhadvać nie chočacca.... Balšavicki džychad , akupacyja BNR
, vajna z Polšaj , Estonijej , Finlandyjej, Haładamor, represii, Kurapaty, hienacyd, Novaja emperyja , alehrachi, karupcyja , empieryjalizm ...I narešcie zachop 1/3 Azierbałdžana, Mołdovy, Hruzii , anieksija Kryma, vajna na Dambase, vajna, vajna ....