U Čarnihaŭskaj vobłaści rasijski dron trapiŭ u dom načalnika miascovaj pažarnaj čaści. Zahinuła jaho siamja
Sam ratavalnik u tuju noč znachodziŭsia razam z pažarnaj kamandaj na miescach likvidacyi nastupstvaŭ udaraŭ.
U Pryłukach Čarnihaŭskaj vobłaści śmiarotnyja traŭmy ŭ vyniku ŭdaru rasijskaha drona atrymali žonka načalnika častki, a taksama jaho dačka — patrulnaja palicejskaja — i jaje adnahadovy syn.
Sam ratavalnik u tuju noč znachodziŭsia razam z pažarnaj kamandaj na miescach likvidacyi nastupstvaŭ udaraŭ. Usiaho ŭ Pryłukach zahinuli 5 čałaviek, jašče 6 atrymali ranieńni, piša UNIAN.
«Zahinuła jaho siamja. Žonka. Dačka — patrulnaja palicejskaja. I jaje adnahadovy syn. Ratavalnik u tuju žachlivuju noč razam z pažarna-vyratavalnaj kamandaj znachodziŭsia na miescach likvidacyi nastupstvaŭ udaraŭ voraha. Maje spačuvańni z pryčyny niepapraŭnaj straty. Zabojstvy i pakuty mirnych žycharoŭ — heta styl žorstkaj Rasii, dla jakoj čałaviečaje žyćcio nie maje nijakaj kaštoŭnaści», — napisaŭ kiraŭnik MUS Ihar Klimienka.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA1
Kamientary