Kampanii padpisali pahadnieńnie ab partniorstvie, zhodna ź jakim prahramny pradukt Microsoft Hohm budzie vykarystoŭvacca dla aptymizacyi spažyvańnia elektryčnaści va ŭmovach chutkaj elektryfikacyi aŭtamabilaŭ.
Kampanii padpisali pahadnieńnie ab partniorstvie, zhodna ź jakim prahramny pradukt Microsoft Hohm budzie vykarystoŭvacca dla aptymizacyi spažyvańnia elektryčnaści va ŭmovach chutkaj elektryfikacyi aŭtamabilaŭ.
Biaspłatnaja on‑łajn aplikacyja Hohm dapamahaje amierykanskim karystalnikam praanalizavać spažyvańnie elektraenerhii ŭ ich damach. Jana padkazvaje, jakim čynam aptymizavać raschod i sekanomić hrošy.
Microsoft i Ford płanujuć ščylna supracoŭničać z kamunalnymi pradpryjemstvami i haradskimi ŭładami. Jany imknucca raspracavać schiemu spažyvańnia elektryčnaści, jakaja b najlepš zadavoliła patreby karystalnikaŭ.
Ford vielmi aktyŭna pracuje nad mašynami z hibrydnym i elektryčnym pryvadam.
Užo sioleta kampanija vypuścić furhon Transit Connect Electric z hibrydnym ruchavikom i novy hibrydny Lincoln MKZ. A da 2012 hoda amierykanski aŭtahihant płanuje stvaryć jašče dva hibrydy ŭžo novaha pakaleńnia.
Pieršaj madellu, jakaja skarystaje pieravahi Microsoft Hohm, stanie Ford Focus Electric.
Pryłada dapamoža aŭtaamataram aptymalna spłanavać čas i chutkaść zaradki.
«Kab elektryfikacyja sapraŭdy pracavała na našych klijentaŭ — heta značyć jany i hramadstva atrymlivali b maksimalnuju vyhodu ad hetaha alternatyŭnaha paliva ekałahičnym i dastupnym pa koštach čynam — vytvorcy aŭtamabilaŭ i kampjutarnaha softu, kamunalnyja pradpryjemstvy i ułady pavinny supracoŭničać», — kaža Nensi Džyoja, adkaznaja za stratehiju hłabalnaj elektryfikacyi madelaŭ Ford.
Kiraŭnik Ford Ałan Mjułeli ŭ svaju čarhu adznačyŭ, što navat adna mašyna elektryčnym ruchavikom moža ŭdvaja pavialičć siaredniuju ličbu spažyvańnia elektryčnaści zvyčajnaj siamjoj. Prablema aptymizacyi raschodu i nahruzki na elektryčnyja sietki stanie jašče bolš aktualnaj z rostam kolkaści aŭto z elektrapryvadam.
Ford užo supracoŭničaje z pastaŭščykami technałohij elektryčnaha pryvadu Magna International i Azure Dynamics, Daślednickim instytutam elektryčnaj mahutnaści, zvyš tuzina elektryčnych kampanij, uradami ZŠA, Kanady i krain Jeŭropy, kab prasunuć ukaranieńnie elektramabilaŭ.
Kamientary