Biełaruski błohier, jakoha letaś zatrymlivali za prykoły, razam ź siabram idzie pieššu ź Minska ŭ Maskvu
Dva biełaruskija chłopcy, jakija ahułam majuć bolš za 700 tysiač padpisčykaŭ u instahramie i 764 tysiačy ŭ tyktoku, vyrašyli pieššu dajści ź Minska ŭ Maskvu.
U takuju vandroŭku adpraviŭsia błohier-prykalist Vital Chramcoŭ, bolš viadomy jak Bulbanews, razam ź mienš papularnym błohieram, jaki nie raskryvaje svajo proźvišča i padpisvajecca jak Antocha Dramaturh.
Jany prykinuli, što 700 ź lišnim kiłamietraŭ pamiž dźviuma stalicami zmohuć prajści prykładna za 21 dzień. Abiacajuć nie karystacca nijakimi srodkami mabilnaści — ni rovarami, ni elektrasamakatami. Aŭtastop taksama zabaronieny. Kab padpisčyki nie sumniavalisia ŭ tym, što ŭsio adbyvajecca pa-sapraŭdnamu, Vital i Anton viaduć biaskoncyja strymy na Twitch. Dziela hetaha jany nosiać pajasnyja trymalniki z kranštejnam dla zdymkaŭ.
Nijakich namiotaŭ z saboj nie brali, kab zaplečniki nie byli vielmi ciažkimi. Nočyć pieršapačatkova płanavali ŭ hatelach i chostełach.
Pieškom iz Minska v Moskvu | Podhotovka
Rychtavalisia błohiery da vandroŭki kala dvuch tydniaŭ. Jany nabyli zručnyja krasoŭki, padrychtavali aptečku z samymi nieabchodnymi lekami, uziali piarcovyja bałončyki na vypadak uźniknieńnia prablemnych situacyj. Nu i paŭerbanki dla tyktokieraŭ — heta śviatoje.
Anton zhadvaje, što letaś dajści z Maskvy ŭ Minsk sprabavaŭ kazachski błohier Asłan Šukaša. Ale kaža, što toj pratrymaŭsia ŭsiaho dva dni.
Biełaruskija ž vandroŭniki ŭžo kročać čaćviorty dzień (za pieršyja dva pieraadoleli 74 kiłamietry). Učora jany dabralisia da Barysava. Na svaim šlachu Anton i Vital sustrakajuć niamała prychilnikaŭ: to miascovyja padletki pryviažucca, kab pierakanacca, što modnyja błohiery realna iduć pieššu, to niechta na mašynie spynicca, kab pośpiechaŭ pažadać. U Žodzina ich navat sustrakali sałam z chlebam dy ahurkami z cybulaj. Ale ž chłopcy skardziacca, što dali padpisčykam spasyłku dla danataŭ, a tyja skinuli nul rubloŭ.
Nahadajem: błohier Bulbanews robić prykoły ź biełaruskim kałarytam. I choć jon nijak nie padymaje ŭ svaich videa temu palityki, letaś jaho zatrymlivali ŭ Viciebsku. Imavierna, uładam nie spadabaŭsia jaho humar.
Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»
Zamiest Pakistana — Čavusy: biełaruska, jakaja 2 hady adna padarožničaje pa śviecie, vyrašyła pieššu prajści pałovu Biełarusi
Piać luksavych hatelaŭ Biełarusi, jakija znachodziacca ŭ nievialikich haradach. Vy dakładna pra ich nie viedali
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary