«Pakazvajecie svajo hreblivaje staŭleńnie da ludziej». Bondarava asudziła isteryku Azaronka i Pustavoha, vyklikanuju prablemami z bulbaj
Prarasijskaja danosčyca nahadała im pra normy etyki.
Nahadajem, 12 maja ŭ efiry prahramy «Azarionok. Napriamuju» prapahandysty vielmi emacyjna, zryvajučysia na visk, adreahavali na temu prablem z bulbaj u krainie, jakaja chvaluje biełarusaŭ apošni miesiac.
«Oj, siem rubloŭ». — «Dy choć pa dvaccać, blin. Zadziaŭbli svajoj bulbaj. Žerci i žerci aby, i tolki nyć z hetaj nahody», — dzikim krykam kryčaŭ Azaronak.
Volha Bondarava, jakaja zvyčajna padtrymlivaje pazicyju Azaronka pa mnohich palityčnych pytańniach i jaho manieru padačy, hetym razam asudziła jaho hrubyja słovy, vykazanyja ŭ ździeklivaj maniery.
«Jość normy žurnalistyki i normy deputackaj etyki. Pra ich varta pamiatać u publičnych vystupleńniach.
Havoračy «Zadziaŭbali ŭžo svajoj bulbaj», «Dy choć pa 20 rubloŭ», vy, šanoŭnyja, pakazvajecie svajo hreblivaje staŭleńnie da ludziej, što ahučyli prablemu», — aburyłasia danosčyca.
«Žurnalist-prafiesijanał moh by biez emocyj aśviatlić pytańnie, chvalujučaje hramadzian. Z fakturaj, a nie abrazami ŭ adras tych, chto pytaje. Chiba składana vykłaści fotki z kramy «da» i «paśla»?»
Jana nahadała, što prablema realna isnavała, najaŭnaść jaje paćvierdziła spačatku kamisija prafsajuzaŭ, a zatym MARH. Tolki paśla ŭmiašalnictva viedamstva ŭ jaje rodnym Hrodnie nie tolki źmienšyŭsia košt bulby, ale i kłubni stali pradavać bujniejšyja, nie pasiečanyja i nie pazielaniełyja.
«I nie kupić narod bulbu pa 20 rubloŭ, kali tolki jon nie pracuje viadučym na STB, tamu što niama ŭ ludziej takich dachodaŭ», — pryznałasia Bondarava.
«Naša Niva» — bastyjon biełaruščyny
PADTRYMAĆCiapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć23
Kamientary