Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
U vioscy Kryvaja Biaroza (Smalavicki rajon Minskaj vobłaści) kuchar-italjaniec Totan Papačonie pa-majstersku krucić ciesta i vypiakaje śviežy chleb.
Jaho kafe «Papačo Pica» pracuje ź piatnicy pa niadzielu, raskazvaje błohier Kakabaj. Tam hatujuć trynaccać roznych vidaŭ picy, fakaču, tyramisu i firmovuju papoša — sendvič na ciomnym chlebie z kłasičnaj italjanskaj načynkaj.
Adna ź pic — z kaŭbaskami i biekonam — nazyvajecca «Pacany». Šef prydumaŭ jaje ŭ honar biełaruskich chłapčukoŭ. Jon chacieŭ stvaryć picu, jakaja spadabajecca dzieciam, tamu dadaŭ u «Marharytu» (dzie tolki tamatnaja pasta i macareła) kaŭbasku i biekon.
Sendvič papoša — heta lohki, z chrumstkaj tonkaj skarynačkaj chleb typu čyabaty, usiaredzinie sałata kapreze i viandlina.
Italjaniec Totan Papačonie pracavaŭ u restarannaj śfiery z 1988 hoda. U 2022-m, paśla śmierci baćki, u jaho ŭźnikli ciažkaści ŭ adnosinach z bratami — tamu jon kinuŭ usio i ź siamjoj pierajechaŭ ź Italii ŭ Biełaruś (tut žyła siamja jaho spadarožnicy). Kali šukaŭ, dzie asieści, ulubiŭsia va ŭčastak z karobkaj doma pad Smalavičami. Letaś skončyŭ budavać dom, a sioleta adkryŭ svaju mini-piceryju.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary