Pa patrabavańni Zialenskaha čynoŭniki prajšli test na detektary chłuśni z-za ŭciečki prajekta damovy z ZŠA
U jaho ofisie nie paćvierdzili i nie abvierhli hetyja źviestki.
Prezident Uładzimir Zialenski daručyŭ SBU rasśledavać uciečku prajekta dahavora z ZŠA ab zdabyčy pryrodnych karysnych vykapniaŭ. Dla hetaha supracoŭnikaŭ niekalkich ministerstvaŭ pravieryli na palihrafie. Pra heta paviedamlaje Financial Times.
Krynicy vydańnia admovilisia raskryvać padrabiaznaści i maštaby pravierki. Viadoma tolki, što rasśledavańnie rušyła śledam za publikacyjaj 26 sakavika detalaŭ prajekta deputatam ad apazicyjnaj partyi «Hołas» Jarasłavam Žaleźniakom. Praź dzień infarmacyja źjaviłasia i na staronkach Financial Times.
Ofis prezidenta Ukrainy admoviŭsia ad kamientaroŭ. U zajavie SBU havorycca, što słužba «pracuje ŭ ramkach zakona i nie ahałošvaje niekatoryja detali svajoj dziejnaści».
Jak adznačaje vydańnie, novy prajekt dahavora vyklikaŭ napružanaść pamiž Kijevam i Vašynhtonam. Ukraina była «zaśpieta źnianacku» maštabami patrabavańniaŭ ZŠA, niekatoryja ź jakich tam ličać «palityčna niesapraŭdnymi». Akramia taho, prapanova pa-raniejšamu nie praduhledžvaje dla Kijeva nijakich harantyj biaśpieki.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary
šunievIč priedłahał otstrielivať aistov i rysiej. I voobŝie zakryť Krasnuju knihu Biełarusi za nienadobnosťju vłastiam.
No sudiť jeho v buduŝiem nužno. Za dieła na postu ministra MVD.