Biełarusu, raniej asudžanamu ŭ Polščy za špijanaž, pastrožyli pakarańnie
Sud u Poznani razhladzieŭ spravu dvuch hramadzian Biełarusi, jakich abvinavačvajuć u špijanažy na karyść biełaruskaj vajskovaj raźviedki. Pavodle materyjałaŭ śledstva, jany znachodzilisia ŭ Polščy pad vyhladam zvyčajnych kiroŭcaŭ, ale na samaj spravie źbirali infarmacyju pra polskuju armiju i važnyja abjekty infrastruktury, piša tvn24.pl.
U pieršaj instancyi adzin z abvinavačanych, Andrej Račkievič, byŭ asudžany na try hady źniavoleńnia, a druhi, Dźmitryj N., byŭ apraŭdany. Adnak u piatnicu Apielacyjny sud u Poznani pryniaŭ kančatkovaje rašeńnie: termin pakarańnia Andreju Račkieviču pavialičyli da čatyroch hadoŭ, a apraŭdalny prysud u dačynieńni da Dźmitryja N. byŭ admienieny, i jaho sprava budzie razhledžana paŭtorna.
Sud paličyŭ dakazanym, što Andrej Račkievič byŭ štatnym supracoŭnikam biełaruskaj raźviedki i dziejničaŭ nasupierak intaresaŭ Polščy. Asablivuju ŭvahu źviarnuli na jaho minułaje ŭ biełaruskim HRU, suviazi z vajskovymi strukturami i toje, što jon sačyŭ za pieramiaščeńniem vajskovaj avijacyi, jakaja pierapraŭlała dapamohu va Ukrainu. Akramia taho, paśla jaho aryštu adbyvalisia telefonnyja zvanki z roznych krain, što śviedčyć pra arhanizacyju i prafiesijnaść dziejańniaŭ.
Što da Dźmitryja N., to sud adznačyŭ, što pieršaja instancyja nie dała naležnaj acenki dokazam i što abodva abvinavačanyja dziejničali razam, rychtujučy maršruty i nazirajučy za stratehičnymi abjektami. Sud paličyŭ, što jany vykonvali raźviedku pierad bolš surjoznymi dyviersijnymi dziejańniami.
Mužčyn zatrymali ŭ krasaviku 2022 hoda. Jany pryjechali ŭ Polšču pad vyhladam pracy kiroŭcami, ale, pavodle prakuratury, nasamreč zajmalisia zboram infarmacyi pra polskija siły abarony i abjekty, važnyja dla biaśpieki krainy. Abvinavačańnie pa hetaj spravie rychtavała vajskovaje adździaleńnie prakuratury ŭ Poznani.
Darečy, žonka Andreja Račkieviča, Aksana Račkievič, u zvarocie, nakiravanym 14 sakavika 2023 hoda na imia staršyni KDB Ivana Cierciela, prasiła «pra dapamohu i akazańnie maksimalnaha sadziejańnia majmu mužu Račkieviču Andreju Jaŭhienaviču, hramadzianinu Respubliki Biełaruś, aryštavanamu 4 krasavika 2022 h. u h. Poznań (Respublika Polšča) pa artykułu 130 par. 1 (špijanaž) na karyść Respubliki Biełaruś». Jaje list byŭ znojdzieny siarod masivu materyjałaŭ, jakija apynulisia ŭ rasparadžeńni «Kibierpartyzan» paśla praviedzienaj imi apieracyi pa ŭzłomie sajta Kamiteta dziaržaŭnaj biaśpieki.
«Mahu jechać dadomu? Praŭda? Dziakuj». U Poznani sud vynies prysud pa spravie dvuch biełarusaŭ, abvinavačanych u špijanažy
Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii
Žonka byłoha vajskoŭca, asudžanaha ŭ Polščy za špijanaž, źviartałasia ŭ KDB pa «sadziejańnie i abaronu»
Ciapier čytajuć
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary