Padčas svajoj pajezdki ŭ Murmansk 27 sakavika prezident Rasii Uładzimir Pucin vystupiŭ na Mižnarodnym arktyčnym forumie i adznačyŭ, što amierykanskija płany zajmieć Hrenłandyju majuć «daŭnija histaryčnyja karani» i nie źjaŭlajucca «čymści ekstravahantnym».
«Takija płany ŭ Złučanych Štataŭ Amieryki prajavilisia jašče ŭ 60-ja hady XIX stahodździa. Užo tady amierykanskaja administracyja razhladała mahčymaść anieksii Hrenłandyi i Isłandyi, ale hetaja ideja nie atrymała tady padtrymku Kanhresa», — zajaviŭ Pucin.
Taksama jon nahadaŭ, što ŭ 1868 hodzie amierykanskaja presa skieptyčna staviłasia da kupli Alaski, nazyvajučy jaje «varjactvam», «ledzianoj skryniaj» i «sadam biełych miadźviedziaŭ Endru Džonsana» — tahačasnaha prezidenta ZŠA.
«Ale siońnia nabyćcio Alaski, napeŭna, aceńvajecca ŭ samich Złučanych Štatach zusim inakš — hetak ža jak i dziejnaść prezidenta Endru Džonsana», — skazaŭ Pucin.
Taksama jon dadaŭ, što ŭ XX stahodździ ZŠA rabili sproby zajmieć Hrenłandyju ŭ 1910 hodzie i paśla zakančeńnia Druhoj suśvietnaj vajny.
«Padčas Druhoj suśvietnaj vajny ZŠA raźmiaścili ŭ Hrenłandyi vajskovyja bazy dla abarony ad zachopu jaje nacystami. A paśla zakančeńnia vajny Štaty prapanavali Danii vykupić hetyja astravy. Zusim niadaŭna pa mierkach suśvietnaj historyi. Słovam, havorka idzie pra surjoznyja płany z amierykanskaha boku ŭ dačynieńni da Hrenłandyi», — adznačyŭ Pucin.
«Tamu ničoha dziŭnaha ŭ tym, što adbyvajecca siońnia, niama. […] ZŠA buduć i dalej na sistemnaj asnovie prasoŭvać svaje hieastratehičnyja, vajskova-palityčnyja i ekanamičnyja intaresy ŭ Arktycy», — miarkuje jon.
Da Rasii ž ideja Donalda Trampa anieksavać Hrenłandyju, maŭlaŭ, nie maje nijakaha dačynieńnia i tyčycca tolki «dźviuch kankretnych dziaržaŭ» — ZŠA i Danii.
Vens zajaviŭ, što Trampa «nie chvaluje lamant jeŭrapiejcaŭ» adnosna Hrenłandyi
Tramp patłumačyŭ kiraŭniku NATA, čamu ZŠA patrebnaja Hrenłandyja
Na vybarach u Hrenłandyi pieramahła partyja, jakaja vystupaje za sajuz z Danijaj
Za pretenzijami Trampa na Panamu, Kanadu i Hrenłandyju moža chavacca tonki pieramoŭny raźlik
Čamu Tramp zahavaryŭ pra Hrenłandyju?
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary