Zialenski ŭ razmovie z Trampam nibyta pahadziŭsia spynić ataki na rasijskija enierhietyčnyja abjekty
Prezident Ukrainy Uładzimir Zialenski pahadziŭsia spynić udary pa rasiejskich enierhietyčnych abjektach, što źjaŭlajecca pieršym krokam u namahańniach prezidenta ZŠA Donalda Trampa spynić vajnu, paviedamlaje Bloomberg sa spasyłkaj na ŭłasnyja krynicy.
«Zialenski pieradaŭ heta paviedamleńnie Trampu padčas telefonnaj razmovy ŭ sieradu, pa słovach asoby, jakaja pažadała zastavacca nieviadomym, pakolki infarmacyja jašče nie apublikavanaja, dadaŭšy, što abodva baki pahadzilisia pracavać nad dalejšym pašyreńniem režymu spynieńnia ahniu. Tramp asobna skazaŭ, što zvanok byŭ «vielmi dobrym» i što abmierkavańni «iduć pa płanie», — adznačajecca ŭ paviedamleńni.
Krynica «Suśpilnoho» u Ofisie Zialenskaha dadała, što Ukraina ŭ cełym padtrymlivaje spynieńnie ŭdaraŭ pa enierhietycy Rasii, ale pavinien być taki ž uzajemny krok i z rasijskaha boku.
Razmova Zialenskaha i Trampa adbyłasia praź dzień paśla taho, jak Uładzimir Pucin skazaŭ Trampu, što jon byŭ by hatovy abmiežavać ataki na enierhietyčnuju infrastrukturu Ukrainy ŭ jakaści pieršaha kroku, ale nie pahadziŭsia na poŭnaje spynieńnie ahniu, na jakim nastojvajuć ZŠA.
Prapanova Pucina spynić ataki na enierhietyčnuju infrastrukturu va Ukrainie adbyłasia paśla sieryi ŭdaraŭ, naniesienych zimoj, jakija asłabli, kali nadvorje paciapleła. Tym časam Ukraina naceliłasia na rasijskija naftapierapracoŭčyja zavody, kab skaracić pastaŭki paliva i dachody Rasii.
Raniej Zialenski zajaŭlaŭ žurnalistam u Chielsinki, dzie znachodziŭsia ź vizitam, što abiacańniaŭ Pucina spynić udary pa enierhietyčnaj infrastruktury budzie niedastatkova dla taho, kab Ukraina spyniła ataki na rasijskija naftavyja aktyvy.
Paśla zaviaršeńnia razmovy ź Zialenskim Tramp napisaŭ, što dyjałoh pryjšoŭ «vielmi dobra».
18 sakavika adbyłasia telefonnaja razmova Trampa i Pucina. Jaje Tramp taksama vyznačyŭ jak «vielmi dobruju i praduktyŭnuju». Paviedamlałasia, što Pucin padtrymaŭ ideju Trampa ab uzajemnaj admovie Rasii i Ukrainy na 30 dzion ad udaraŭ pa enierhietyčnaj infrastruktury i daŭ takuju kamandu vajskoŭcam.
Stali viadomyja novyja detali pieramoŭ Trampa i Zialenskaha
Tramp paviedamiŭ, što razmova ź Zialenskim prajšła «vielmi dobra»
Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu
«My budziem adkazvać na ŭsie ŭdary z boku Rasii». Zialenski adreahavaŭ na zajavu Kramla paśla pieramoŭ z ZŠA
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary