Izrailskich vajskoŭcaŭ pakarali za vandalizm u dačynieńni statui Isusa Chrysta
Incydent adbyŭsia ŭ vioscy na poŭdni Livana. Izrailski sałdat udaryŭ kuvałdaj pa hałavie ŭžo pavalenaj statui, a inšy źniaŭ heta na fota. Zdymki chutka razyšlisia ŭ internecie i vyklikali šyrokaje abureńnie. U vyniku vajskovyja i cyvilnyja ŭłady Izraila musili na heta reahavać, piša Bi-bi-si.
Armija Izraila praviała rasśledavańnie i zajaviła, što dziejańni vajskoŭcaŭ supiarečać praviłam i kaštoŭnaściam vojska. U vyniku dvuch sałdat aryštavali na 30 dzion i adchilili ad bajavoj słužby. Jašče šeść čałaviek, jakija prysutničali i nie ŭmiašalisia, taksama mohuć panieści adkaznaść.
Izrailski bok paprasiŭ prabačeńnia za zdareńnie i paviedamiŭ, što paškodžanuju statuju ŭžo zamianili pa ŭzhadnieńni ź miascovymi žycharami.
Incydent asudzili jak u Livanie, tak i za jaho miežami. Relihijnyja dziejačy nazvali heta źniavahaj śviatyniaŭ, a ŭłady Izraila pryznali, što toje, što adbyłosia, pryčyniła bol viernikam.
Kamientary
NN ci jość mahčymaści zrabić heta ?
Kab my nia błukali pa intiernietach . A ź pieršych vusnaŭ pačuli .