Tramp ciśnie na Zialenskaha: ekśpierty pra žorstki płan prezidenta ZŠA
Prezident ZŠA Donald Tramp, jak paviedamlajuć zachodnija ŚMI, maje namier uzmacnić cisk na ŭkrainskaha lidara Uładzimira Zialenskaha, kab dabicca jaho sychodu z pasady, piša Bild.
Pavodle krynic, Tramp razhladaje mahčymaść spynieńnia pastavak amierykanskaj zbroi va Ukrainu, pakul Zialenski zastajecca pry ŭładzie.
Vydańnie Politico piša, što pradstaŭniki administracyi ZŠA ŭžo sustrakalisia z ukrainskaj apazicyjaj, abmiarkoŭvajučy mahčymych pierajemnikaŭ Zialenskaha.
Siarod hałoŭnych kandydataŭ nazyvajuć: Juliju Cimašenka — eks-premjer-ministra Ukrainy, Piatra Parašenku — byłoha prezidenta, Valeryja Załužnaha — byłoha hałoŭnakamandujučaha USU, jaki ciapier pracuje pasłom Ukrainy ŭ Vialikabrytanii.
Były dyrektar CRU Džon Brenan nazvaŭ dziejańni Trampa «šantažom i ciskam».
«Ja nikoli raniej nie bačyŭ, kab amierykanskija śpiecsłužby spyniali supracoŭnictva z partnioram, kab prymusić jaho padparadkavacca patrabavańniam urada», — skazaŭ jon u intervju Huffington Post.
Niamiecki palitołah Tomas Johier u razmovie z Bild vykazaŭ zdahadku, što Tramp moža pomścić Zialenskamu za jaho admovu pradastavić kampramat na Chantera Bajdena ŭ 2020 hodzie.
Johier taksama padkreśliŭ, što praviadzieńnie vybaraŭ va Ukrainie ŭ bližejšy čas budzie «idealnym vynikam dla Uładzimira Pucina».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary
U prezidenta ZŠA niama płanu.
Pazaŭčora było "za 24 hadziny", učora kaptulacyja, siońnia novaja kostka ŭ horle - Zialenski.
Kožny tydzień "u mianie novy žestačajšy płan (chaciełki)".
Urešcie, usie hetyja płany-chaciełki čuli daŭno ad Pucina, Skabiejevaj, Sałaŭjova.