U pryvatnym siektary i z sanvuzłom na vulicy. Tak vyhladaje samaja tannaja kvatera Minska
Samaja tannaja kvatera znachodzicca ŭ pryvatnym domie na vulicy Kasmadziamjanskaj. U jaje jość asobny ŭvachod i nievialiki ŭčastak ziamli, jaki možna dobraŭparadkavać na svoj hust — pastavić altanku abo zrabić parnik, piša Onliner.by.
Budynak pabudavany z cehły jašče ŭ 1954 hodzie. Novamu ŭładalniku dastaniecca 37 «kvadrataŭ». Tut raźmiaścilisia piaredni pakoj, prastornaja kuchnia na 13 kv. m i asnoŭny pakoj — z kanapaj i pracoŭnaj zonaj.
U kvatery taksama jość ułasny padvał i haryšča, jakoje možna vykarystoŭvać dla zachoŭvańnia rečaŭ abo pieraabstalavać u žyłuju prastoru.
Čaho ŭ kvatery niama, dyk heta sanvuzła. Prynamsi, u samim domie. Jon znachodzicca za jaho miežami — u asobnym budynku. Tamu razmaŭlać pra haradski kamfort možna z naciažkaj.
Jak apisvaje ŭładalnik: «La doma znachodziacca kramy, daškolnyja ŭstanovy, škoły i vyšejšyja navučalnyja ŭstanovy. Pobač palikliniki, handlovyja, miedycynskija i biźnies-centry, kaviarni, bary i restarany.
Raźvitaja transpartnaja sietka. Try prypynki da stancyi mietro «Maskoŭskaja», 15—20 chvilin chady da stancyi «Park Čaluskincaŭ». Abjekt raźmieščany ŭ atačeńni zialonaj zony i miescaŭ dla adpačynku — pobač bulvar Tałbuchina, Sievastopalski park i park Čaluskincaŭ».
Samaja cikavaja detal — 41 800 dalaraŭ u ekvivalencie.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary