Tramp moža ŭžo siońnia pryniać rašeńnie ab poŭnym spynieńni vajskovaj dapamohi Ukrainie
Prezident ZŠA razhladaje mahčymaść prypynieńnia abo poŭnaj admieny pastavak uzbrajeńnia Ukrainie, u tym liku ŭžo abiacanych pastavak bojeprypasaŭ i abstalavańnia. Pra heta paviedamlaje The New York Times, spasyłajučysia na krynicu ŭ administracyi Trampa.
Rašeńnie moža być pryniata ŭžo siońnia paśla sustrečy prezidenta ZŠA ź dziaržsakratarom Marka Rubia i ministram abarony Pitam Chiehsetam.
Abmierkavańnie hetaha pytańnia źviazana z kanfliktam pamiž Trampam i Uładzimiram Zialenskim padčas ich sustrečy ŭ Biełym domie. Tramp zajaviŭ, što spynić padtrymku Ukrainy, kali Kijeŭ nie pojdzie na pahadnieńnie z Maskvoj. Paśla hetaha incydentu sajuźniki Trampa pačali cisnuć na Zialenskaha, namiakajučy na mahčymaść jaho adstaŭki.
«Nam patrebny lidar, jaki budzie vieści pieramovy z nami i, u vyniku, z ruskimi, kab skončyć hetuju vajnu», — zajaviŭ daradca prezidenta ZŠA pa biaśpiecy Majk Uołtc u efiry CNN.
Z žorstkaj zajavaj vystupiŭ i lidar respublikancaŭ u Pałacie pradstaŭnikoŭ Majk Džonsan. Jon padkreśliŭ, što Zialenski pavinien albo «adumacca» i sieści za stoł pieramoŭ, albo sastupić miesca inšamu prezidentu, jaki hatovy heta zrabić.
Niahledziačy na abvastreńnie kanfliktu, Zialenski sprabuje zhładzić situacyju. U svaim videazvarocie paśla samitu pa Ukrainie ŭ Łondanie jon padkreśliŭ, što ŭkraincy «ŭdziačnyja za ŭsiu dapamohu, jakuju ZŠA nam akazvajuć».
Kamientary